Paguojušā nedeļā pasaulī izguoja latgalīšu melanholiskuo rokmuziķa “Sovvaļnīka” jaunais videoklips dzīsmei “Latgola”, kuru taisejuse Latgolys entuziastu grupa “BILDIS“. Niu pīduovojom īzavērt klipa topšonys aizkadrūs.

Klips ir pyrmais entuziastu grupys darbs muzykys klipu lauceņā, nu komanda zynoma ar padareitajim dorbim – sataiseitū kinu „Latgolys laikadečs” i pošu reizi taiseišonys procesā asūšū „Vīna vosora deļ vysu”.

Klipa režisors Edgars Blinovs, scenareja autore Ineta Atpile-Jugane, tehniskais nūdrūsynuojums Sergejs Čakāns i Vitālejs Dudarenoks, stiliste – Sandija Sarkane, lūmuos – Kristīne Bautre i Ingars Gusāns aba Sovvaļnīks. Klips taiseits keramiķa Pītera Gailuma darbneicā i sātā.

Kartenis nu Latgolys entuziastu grupys “BILDIS” arhiva.