Rakstnīceibys i muzykys muzejā byus latgalīšu kuozys

Rakstnīceibys i muzykys muzejā byus latgalīšu kuozys
Reigā, Rakstnīceibys i muzykys muzejā 22. augustā 19:00 tiks svieteitys latgalīšu kuozys ar „eistim” bryuti, bryutganu, vedejtāvu, vedejmuoti, krystamuoti, krystāvu, podruškuom, bruolinīkim (folklorys kūpa „Grodi”) i cytim kuozu gostim.

Kab pilsātnīkus īpazeistynuotu ar latgalīšu kuozu apdzīduošonys tradiceju, nu Latgolys iz Rakstnīceibys i muzykys muzeju atbrauks „naaicynuotī gosti” – stuomači nu Mednevys (Mednevys etnografiskais ansamblis) i Bierzpiļs (folklorys kūpa „Saivenis”), bet nu Rekovys īsarass kuozu čyguoni (folklorys kūpa „Rekavas dzintars”).

Apdzīduošonys tradiceju pasuokumā skaidruos Latvejis Universitatis Filozofejis i sociologejis instituta vadūšuo pietneica Aīda Rancāne: „Latgolā vītom vēļ arviņ atrūnoma, nu seņuok kai obligata sastuovdaļa beja itaida tradiceja – kuozuos īsaroda vītejuos sīvys dzīduotuojis, kurys apdzīduoja vysys svātku daleibnīkus. Ospruoteiba pasaruodeja izskota, rakstura i socialuo statusa apdzīduošonā, nu vys tik dominieja seksuala i erotiska rakstura dzīsmis. Teir ir rituala darbeiba, kas kultivej jaunuo puora augleibu, kura nūdrūsynoj saimis pīaugumu i dzimtys turpynuojumu. Vīnlaiceigi kūpīnys vydā eistynojās styngra sociala izraudzeiba.”

Pasuokums „Kuozys Latgolā” tematiski pīskaņuots izstuodei „Dzejmuzykys erotika”, kas Rakstnīceibys i muzykys muzejā apsaveram vēļ da 16. septembrim.

Īejis moksa iz pasuokumu 1,50 Ls, pensionarim, studentim i školānim 1,00 Ls. Rakstnīceibys i muzykys muzeja adress – Piļs laukums 2, Reiga.

Pasuokumu atbolsta Bolvu nūvoda dūme, Vileks nūvoda dūme, maizis captuve „Lāči” i ols dareitova „Aldaris”.

Karteņā – folklorys kūpa Rekavas dzintars, foto LaKuGa

Print Friendly, PDF & Email

Kalenders

Jun
23
Svā
17:00 Leigū Viļakā @ Viļakys breivdobys estrade
Leigū Viļakā @ Viļakys breivdobys estrade
Jun 23 @ 17:00 – 23:45
Leigū Viļakā @ Viļakys breivdobys estrade
19:00 Juoņa dīna @ "Silene Resort&SPA"
Juoņa dīna @ "Silene Resort&SPA"
Jun 23 @ 19:00 – 23:45
19.00 – 22.00 Grilbārs: aizkūdys, šašliks, duorzuoji pagataveiti iz grila bez īrūbežuojumu. 22.00 Zaļumballis koncerts kopā ar grupu Jurs Ostrovskis & Valērijs Mukāns 23.00 Leluo gunskura aizdegšona 24.00 Dūšonuos papardis zīdu mekliejumūs   Vokora gaitā[...]
19:00 Leigū Rēzeknē @ Festivala parks
Leigū Rēzeknē @ Festivala parks
Jun 23 @ 19:00 – 23:45
Leigū Rēzeknē @ Festivala parks