Austrumlatvejis koncertzals izsuocs personala atlasi

Austrumlatvejis koncertzals izsuocs personala atlasi

Rēzeknis piļsātys pošvaļdeibys uzjāmums „Austrumlatvijas koncertzāle” izsuocs personala atlasi dorba jaunajā Austrumlatvejis regionalajā daudzfunkcionalajā centrā aba koncertzalā. Da 31. augustam izsludynuota dasasaceišona vakantajam tehniskuo direktora, marketinga specialista, pasuokumu producenta i lītveža omotim.

Cytu darbinīku, tūs skaitā tehniskūs darbinīku, atlase paradzāta ituo goda beiguos. Ituos šaļts daudzfunkcionaluo centra vadeibys modeļs paradz gondreiž 15 jaunu dorba omota vītu sataiseišonu. Koncertzala byuviešonys īšonai iz golu i nūdūšonai lītuošonā, dorbā tiks pījemti tehniskī darbinīki, pasuokumu realizacejis, kulturys i marketinga specialisti.

Koncertzala vadeiba nūruoda, ka centra darbeibys strategeja paradz, ka darbinīku skaitu papyldynuos ari tādinejuo pyutieju orkestra „Rēzekne” muziki. Pi tuo jaunys dorba vītys rassīs ari leidz ar restorana darbeibys izsuokšonu, kū dareis konkursa kuorteibā izraudzeits privats operators. Taipat struodojūšūs skaitu papyldynuos ari kinu pakolpuojuma nūdrūsynuošona koncertzalā. Planavuots, ka daudzfunkcionalais koncertzals, aktivizejūt dorbu i leidz dorbojūtīs ari piļsātys Turisma atteisteibys centra aktivitatem, pozitivi ītekmēs pakolpuojumu snīdzieju sektoru piļsātā, jo daudzfunkcionaluo koncertzala apmaklātuoji byus na viņ regiona, nu ari Latvejis i pīrūbeža regionu īdzeivuotuoji.

Austrumlatvejis regionalais daudzfunkcionalais centrs sovu darbeibu pylnā apmārā planavoj izsuokt 2013. godā.

Vaira informacejis par omotim i izvirzeitajom praseibom verīs Rēzeknis sātys lopā ITE. Dasacejumu (dzeivis guojumu i motivacejis viestuli) juoīsnādz da 31. augustam, syutūt iz adresu: Atbreivuošonys aleja 93, Rēzeknē, LV 4601 (ar nūruodi SIA „Austrumlatvejis koncertzāle”). Cytu darbinīku (ari tehniskūs) atlase paradzāta ituo goda beiguos.

Print Friendly, PDF & Email