Kū muoceitīs vydsškolu absolventim, kas nastudēs /Vacūs gazetu viests

Kū muoceitīs vydsškolu absolventim, kas nastudēs /Vacūs gazetu viests

Kū muoceitīs vydsškolu absolventim, kas nastudēs:

1. Lauksaimnīceiba un tuos blokus nūzaris: duozkūpis, putnkūpis, deiksaimnīks, lynu škiruotuojs, kūku škiruotuojs,

2. Omoti: īkuortys arhitekts, kūktālnīks, akmiņkalis, burtlicis svešvolūduos saraksteitu gruomotu voi zynuotnisku dorbu īspīsšonā, skotlūgu dekorators, zaltkalis, fotografs – Rentgena fotografs, smolkmehanikis, zūbu tehnikis, muzykys instrumentu taiseituojs, klavīru tehnikis un teirskaņuotuojs,

3. Videji tehniskī orūdi: miernīks, melioracejis specialists – 2-gadeiga spec. škola Rēzeknē, ceļu tehnikis – spec. 2-gad. škola Līpuojā un Rēzeknē, dzeļžceļu eksploatacejis darbinīki – spec. 2-gad. škola Reigā, laboratorejis asistents – farmaceitiskā, kosmetiskā voi mediciniskā laboratorijā.

4. Puorvaļdis īriedni: posta telegrafa resorā, dzeļžceļu viesrvaļdē, dažaiduos ministrejuos, pašvaļdeibuos, policejis dīnastā, vaļsts bankuos, muitys vaļdē, bibliotekā, notara paleigs.

5. Breivuos profesijuos dažaiduos tierdznīceibys nūzarēs: eksporta tierdznīceiba, tiedznīceiba metalu nūzarē, radio tierguotuojs, optikis, drogists, reklamu specialists, specialists gruomotu tiedznīceibā, kooperators.

6. Dorbs pedagogejis laukā: pylntīseigs pamatškolys školuotuojs, nareidzeigū školuotuojs, kurlmāmū školuotuojs, atpakaļ palykušū bārnu školuotuojs, orūdu školuotuojs veirīšu omotūs, sporta un vyngruošonys školuotuojs, ortopaidiskuos vyngruošonys školuotuojs, deju školuotuojs, volūdys lobuošonys školuotuojs, izrunys lobuošonys školuotuojs, stenografejis školuotuojs.

7. Socialī orūdi: jaunotnis aizsardzeiba, dorba apguode, orūdu izvēlis podūmdūtuve.

8. Satiksmis orūdi: stacejis prīkšnīki, jiurnīki – kuģu vadeituoji. (Vydsškolys absolventus pījem II jiurškolys klasē kuģu vadeituoja nūdaļā piec puorbaudejuma izturiešonys novigacejā un angļu volūdā. Napīcīšami byut braukušam 12 mien. kolpuotuoju sastuovā).

9. Kara muoksla: viersnīks, flotis viersnīks, avitors.

10. Muoksla: muzyka, deja, dramatiskuo muoksla, tāluotuoja muoksla.

Kur muoceitīs vydsškolu absolventem, kas nastudēs:

1. Lauksaimnīceiba: školuotuoja lauku muojtureibā, muojtureibys instruktore, muojtureibys puorraudze, duorzkūpe: 1) duorzkūpeibys školuotuoja, 2) duozkūpeibys instruktore, putnkūpe.

2. Omoti un muokslys omotnīceiba: muodiste: 1) sovs ateljē, 2) direktrise veikalūs, muokslys audieja – kai specialiste kimiskā teireitovā, muokslys uzjāmumu fotografe, optike, zūbu teh nike, rūkdorbu izšivieja: 1) eistā vuorda nūzeimē, 2) školuotuoja, 3) uz dažaidom mašinem.

3. Tehniskuos un zynuotniskuo paleidzis: tehniskuo asistente mediciniskūs institutūs, kai slimneicuos, sanatorejuos, uorstu privatuos laboratu=orejuos, uzjāmumūs, kurūs gatavoj medicin.-farmaceitiskūs preparatūs, bakteriologiskuos laboratorejuos, Rentgena uzjemšonā un t. t.: Rentgena asistente: 1) caurskateišonā, 2) uzjemšonā, 3) apstoruošonā, laborante – kai kvalificēts paleigparks, tehniskuo zeimietoja (pausiešona, kopiešonā un t. t.), bibliotekare, korespondentis, gruomotvedis, prokuristis, privatsekretaris, korrektrisis, statistikis, puorvaļdis īriednis.

4. Kantora īriednis: kantoristis, stenotipistis.

5. Orūdi teišā tierdzīceibā: puordevieja: drogu preču veikalā, parfimerejis veikalā, gruomotu veikalā, muzykaliju viekalā, nūlyktovu darbineica.

6. Posta un telegrafa īriednis: telefonistis tuolsarunā, telegrafistis, īriednis postā publikys apkolpuošonai, kanceleju īriednis, dzeļžceļu īriednis.

7. Vasalu un slymu kūpšonys orūdi: žieļsirdeiguo muosa, zeidaiņu kūpieja, vacmuote, masažiste, skaistuma kūpieja.

8. Veseleibys kūpšonys orūdi: ortopadisikuo vyngruošonā: 1) slimneicuos, 2) sanatorejuos, 3) privatā praksē, dzīdnīceyskā vyngruošonā: 1) ar masažys, vyngruošonys voi ari aparatu paleidzeibu izloboj lauztus voi trīkys kartus lūcekļus, 2) apkolpoj slymus ar dažaidom vīlu mainis slimeibom, kai apsataukuošonu, dažaidom nervozom slimeibom un t. t. mozbārnu un zeidaiņu vyngruošona.

9. Dorbs pedagogiskā laukā: bārnu duozneicys, pamatškolys školuotuojis, volūdu školuotuojis, pareizys izrunys školuotuojis, volūdys lobuošonys školuotuojis, nareidzeigū školuotuojis, kurlmāmū školuotuojis, školuotuojis aptakaļpalykušū školuos, muojtureibys školuotuojis, orūdu školuotuojis sīvīšu omotūs, sporta školuotuojis, vyngruošonys školuotuojis, ortopaidiskuos vyngruošonys školuotuojis, ritmiskuos vyngruošonys školuotuojis, stenografejis školuotuojis, deju školuotuojis.

10. Socialī orūdi: īriednis socialuos nūdaļuos, dorbs jaunotnis aizsardzeibā, zeidaiņu patversmis puorzine voi paleidze, bārnu patversmis puorzine voi paleidze, vosorys koloniju puorzine voi paleidze, meitiņu internatu puorzine voi paleidze, sīvīšu dorba apguode, orūdu izvēlis padūmdūtuve.

11. Muoksla: muzyka, deja, dramatiskuo muoksla, tāluotuoja muoksla.

Olūts: Latgolys Vōrds. –Rēzekne, 1932. g. 31. augustā. – Nr. 35. – 3. pl. 

Print Friendly, PDF & Email