Daugovpiļs Universitatē itūnedeļ dorbu suoks „Austrumlatvejis literaruo akademeja”

Daugovpiļs Universitatē itūnedeļ dorbu suoks „Austrumlatvejis literaruo akademeja”
Itymā nedeļā Daugovpiļs Universitatē dorbu izsuoks Austrumlatvejis literaruo akademeja (ALA), kas byus vareiba izapaust tim, kurūs vylynoj vuorda muoksla i teksta radeišonys burveiba.

Iz literaruos akademejis radūšajom rakstnīceibys darbneicom teik aicynuoti interesenti nu Austrumlatvejis, kai ari cytim Latvejis regionim. ALĀ pīredzejuši latvīšu, krīvu i latgalīšu literati pasadaleis procesa pīredzē, nu literaturzynuotnīki pīduovuos īsavuiceit literaturzynuotnis pamatus i dūs īskotu klasiskuos i myusdīnu literaturys procesūs, elitaruos i masu literaturys pryncypūs. Teik aicynuoti interesenti, kurim saistūši ir dažaidi literaturys lauki, tūs vydā ari bārnu literatura i fantazejis lauks.

Dasasokūt akademejā, iz e-postu aladu@inbox.lv juoatsyuta dasacejuma dati: mob. telefona nr., e-posta adress, dzeivisvīta, juonūruoda vacums, kai ari pretendentam vālams atsyuteit vīnu sovu tekstu latvīšu, krīvu ci latgalīšu volūdā breivā nūformiejumā. Dasacejumus akademeja gaideis da 12. oktobram.

Nūdarbeibys ALĀ byus 1-2 reizis mienesī, pīktdinēs ci sastdinēs, bez moksys.

Pyrmuo darbneica paradzāta 2012. goda 13. oktobrī 15:00 Vīneibys īlā 13, 317. auditorejā. Tū vadeis dzejneica, prozaike i tulkuotuoja nu Venspiļs Maira Asare i Latvejis krīvu rakstnīks, tulkuotuojs Sergejs Moreino.
Austrumlatvejis literaruos akademejis dorbu koorinej literaturzynuotneica Maija Burima, rakstnīks, literaturzynuotnīks Valentins Lukaševičs i studente Zaiga Lāce.

Projektu „Austrumlatvejis literaruo akademeja” finansiali atbolsta Vaļsts Kulturkapitala fonda (VKKF) vaļsts A/S „Latvijas valsts meži” finansātuo Latgolys kulturys mierkprograma.

Karteņā – Daugovpiļs Universitate, foto nu škārsteikla olūtim

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]