Jelgovā byus LgSC birojs!

Jelgovā byus LgSC birojs!
Trešdiņ, 3. oktobrī, LgSC Reigys biroja bīdri beja gostūs Latvejis studentu golvys piļsātā Jelgovā pi Latvejis Lauksaimnīceibys universitatis latgalīšu studentim. Jelgovys jaunīši ir nūlāmuši sovā kasdīnā īnest vaira latgaliskuo i izveiduot LgSC biroju. Leidz šam LgSC beja treis biroji – Reigā, Rēzeknē i Daugovpilī.

Tikšonuos ar latgalīšu studentim nūtyka jaukā gaisūtnē LLU Meža fakultatis studentu bīdreibys “Šalkone” telpuos, kuru beja nūorganiziejs Valērijs Kušnirs – tūpūšais biroja vadeituojs. LgSC bīdri Vineta Vilcāne, Dzintra Slišāne, Jurs Viļums i  Reigys biroja vadeituoja Kristīne Pokratniece īpazeistynuoja  jelgovnīkus ar LgSC mierkim, aizdavumim i kasdīnys darbeibu, i realizātajim projektim. Pastuosteja ari par īspiejom, kaidys ir LgSC bīdrim, i dalejuos sovā personeigajā pīredzē.

Kai jau studentu pasuokumūs īrosts, beja ari izklaidis i jūki. Tyka spieļuots latgalīšu „Aliass” i domino, laipnais saiminīks Valērijs beja pasaryupiejs par capumim i čaju. Prīcieja Jelgovys studentu atsauceiba, draudzeigums i jūs patīsuo interese par latgaliskū.

Škirūtīs tyka nūlamts otkon sasatikt cytūs LgSC pasuokumūs gon Reigā, gon Jelgovā.

Vielejam apjiemeibu, izdareibu, drūsmi, veiksmi i daudz jaunu ideju Jelgovys LgSC birojam! Iz sasatikšonu!


Kartenis – sasatikšona Jelgovā, nu LgSC arhiva

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]