Leivuonā apsaverama Māra Čačkys grafikys dorbu izstuode

Leivuonā apsaverama Māra Čačkys grafikys dorbu izstuode
Nu ituos nedelis da 1. decembram Leivuonā, Latgolys muokslys i amatnīceibys centrā ir apsaverama Daugovpiļs muokslenīka, izstuožu kuratora, Daugovpiļs Universitatis Muokslys i dizaina katedrys docenta Māra Čačkys grafikys personalizstuode ar nūsaukumu „… uz ceļiem”.

„… iz celim, kuo prīškā? Kotram sovs, kuo prīškā ceļūs krist!”, soka muokslenīks Māris Čačka. Vuordam „celi” latvīšu volūtā ir daudzi jiedzīņa skaidrojūšūs nūzeimu i tys ļaun variēt tuo dažaidajuos interpretacejuos. Byušona iz celim vīnlaiceigi daboj atškireigys tuos nūzeimis, kur vīna nu tom raksturojama kai „byut vysur”, byut gon ite, gon tī…

Autors pie sovys ceļu idejis izsuoce struoduot jau 2011. goda rudinī, nu tūs realizēju īsuoka 2012. goda julī. Muokslenīka Māra Čačkys sereja „… uz ceļiem” radeita deveņūs lelformata kruosainūs augstspīdumūs.

Par Čačkys dorbim soka muokslineica i muokslys zynuotneica Yeva Harut: „Kolorits – tys ir autora ituos šaļts dzeivis atspeidums.”

Māris Čačka ir pedagogs i muokslenīks, Latvejis muokslenīku savīneibys, bīdreibys „Grafikas kamera”, bīdreibys „Mākslu pedagogu apvienība” bīdrs. Māris dzims 1976. Goda Varakļuonūs. 1998. godā pabeidzs Daugovpiļs Pedagogiskū Universitati i dabuojs vizualuos muokslys školuotuoja kvalifikaceju, itūšaļt struodoj , Daugovpiļs Universitatis Muokslys i dizaina katedrā i ir ekspoziceju i muokslys izstuožu kurators Daugovpiļs Marka Rotko muokslys centrā. Vadejs i organiziejs vaira kai 30 muokslys projektu. Pīsadalejs vaira kai 50 muokslys izstuodēs, nu kurom 9 bejušys juo personalizstuodis i 9 dubultpersonalizstuodis.

Print Friendly, PDF & Email

Kalenders

Jul
12
Pīk
all-day Fotoizstuode “Piecgarša” @ Storptautyskuo lidūsta "Reiga"
Fotoizstuode “Piecgarša” @ Storptautyskuo lidūsta "Reiga"
Jul 12 all-day
Pyrmūdiņ, 17. junī, īzeimejūt Juoņa dīnys nedeļu, Reigys storptautyskajā lidūstā tyka atkluota bīdreibys “Latgolys etnografiskuo viestnīceiba” latvīšu tautystārpim i tymūs apviļktajom mozajom lelem – Annužom – veļteituo fotoizstuode “Piecgarša”. Izstuode Reigā ir starts vasalai streipei[...]
18:00 Daņči @ Veseleibys sola
Daņči @ Veseleibys sola
Jul 12 @ 18:00 – 21:00
Daņči @ Veseleibys sola
18:00 Rēzeknis nūvoda dīnys @ Rēzeknis nūvods
Rēzeknis nūvoda dīnys @ Rēzeknis nūvods
Jul 12 @ 18:00 – Jul 14 @ 23:45
Rēzeknis nūvoda dīnys @ Rēzeknis nūvods