Voi Tu vēļ pīmini, kai tys ir – braukt pa ceļu namīdzūt gazis pedali, braukt tai, ka ceļamolys kryumi i kūki nalidoj garom skatīņam, braukt i sasmaržuot zemis ceļa i sļapnuo asfalta smuordu? Pūdnīks Krists Ozoliņš zyna, kai tys ir i gryb paruodeit cytim. 

Golvonajā lūmā ir treis pūdnīki Evalds Vasilevskis, Krists Ozoliņš, Mareks Zavodnojs i zyrgs Venta. Tys ir ceļojums Rāznys nacionaluo parka teritorejā gostūs pi catūrtuo pūdnīka Ilmāra Veceļa. Video autors Krists stuosta, ka uzaicynuojumu itymā braucīnī sajiems nu E. Vasilevska. I tai kai jam ruodejuos, ka itaids braucīņs vaira nav taida kasdīna kotram lauku īdzeivuotuojam, jis gribieja ar itū skaistū nūtykumu juo dzeivē pasadaleit ar cytim. Ceļš zyrga rotūs, kuri tyka speciali sataiseiti 2 dīnu braucīņam, vad nu E. Vasilevska pūdarneicys “Akminīši” Kolups pogostā da I. Veceļa pūdarneicai Aulejā.

Krists pots nav latgalīts, bet taišni pūdnīceiba ir tys, kas jū aizvad iz Latgolu. Jis brauc piec muola, zynuošonu i sarunuom par byutiskū. Vaira par braucīni, kab stuosta pats video.

Sagatavieja Kristīne Pokratnīce.