Izstuodei Rudiņs 2012 gaida Latgolys muokslenīku dorbus

Izstuodei Rudiņs 2012 gaida Latgolys muokslenīku dorbus

Latgolys Kulturviesturis muzejā Rēzeknē ir suokusīs i da 10. novembra byus muokslys dorbu pījimšona izstuodei RUDENS 2012.

Latgolys Kulturviesturis muzejs i Latgolys muokslenīku kūpa 17. godu piec kuortys aicynoj Latgolys profesionalūs, aktivi struodojūšūs i Latvejis Muokslys akademejā studejūšūs jaunūs muokslenīkus īsnīgt pādejuo goda laikā taiseitūs tāluotuoja muokslys dorbus (gleznīceibys, grafikys, tekstildorbus i c.) izstuodei RUDENS 2012.

Kai kotru godu, vysus īsnīgtūs muokslys dorbus izstuodiešonai izvērtēs žureja. Nu piec izstuodis, pasasokūt Rēzeknis piļsātys dūmis atbolstam, žurejis īsaceitī dorbi tiks īpierkti muzeja kruojumā i papyldynuos myusdīnu Latgolys muokslys kolekceju.

Izstuodis „RUDENS 2012” atkluošona byus 16. novembrī 15:00.

Muokslys dorbi juoīsnādz Latgolys Kulturviesturis muzejā, Atbreivuošonys alejā 102, Rēzeknē. Pyrma īsnīgšonys lyugums sasazynuot pa teleponim 64622646 ci 29175532, e-postu muzejs@rezekne.lv.

Karteņā – izstuode „RUDENS 2011”, A. Bondarenko foto.

Kalenders

May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]