Dacis Kašys dzīsme “Sirsneņa” – video versejā i akustiskā koncertā

Dacis Kašys dzīsme “Sirsneņa” – video versejā i akustiskā koncertā

Reitu, 8. novembrī  21:30 ar akustisku koncertu kopejneicā „Ļeņingrad” Reigā uzastuos dzīsmineica Dace Kaša. Sovulaik juos dzīsme latgaliski „Sirsneņa” sajieme latgalīšu kulturys goda bolvu „Boņuks” kai 2010. goda lobuokuo alternativuo/underground styla dzīsme.

Dacis koncerts byus jau caturtais catūrtdīņu akustyskūs koncertu serejā, kū pīduovoj M&M’s music management i Be Že Productions. Pyrma koncerta tuo reikuotuoji aicynuojuši Daci iz interveju par juos muzykys albumim, dzīduošonu i paradzātū koncertu – interveju vari puorskaiteit ITE.

Izaruod, ka itymā vosorā sataiseits ari klips latgaliskajai dzīsmei „Sirsneņa”. Dzīsme „Sirsneņa” ir nu Dacis Kašys jaunuokuo, 2010. godā izdūtuo albuma „Ieskaujošais Vairākums”. Klips itai dzīsmei ir pyrmais juos muzykys video i rodīs kai autio-vizualuos komunikacejis studentis Undīnis Straunis gribiešonys taiseit kursa dorbu, kurymā byutu īsaisteita muzyka.  Klips taiseits 2012. goda junī Rāmavys muižys apleicīnē.

Vaira par Daci Kašu verīs http://www.draugiem.lv/dacekasa/

Print Friendly, PDF & Email

Komentari

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]