Mikeļam Bukšam veļteituo izstuode atsagrīž juo dzymtajā pusē

Mikeļam Bukšam veļteituo izstuode atsagrīž juo dzymtajā pusē
Reitu, 23. novembrī 12:00 Bolvu nūvoda muzejā tiks atkluota Mikeļam Bukšam veļteituo izstuode, kas niu, izaceļuojuse pa Latveju, atsagrīž “sātā” – pi izstuodis projekta vadeituojim – Bolvu centraluos bibliotekys. 

Itūgod Latgolā teik sveiteita Mikeļa Bukša 100. dzimšonys dīna ar dažaidom nūtikšonom. Vileks nūvoda Plešovā tyka sataiseita i pastateita jauna pīminis vīta, Latgolys Kulturys centra izdevnīceiba nu jauna izdavuse autora golvonū dorbu „Latgaļu atmūda”, taipat Bukšam veļteits pasuokums 3. Pasauļa latgalīšu saīšonā Rēzeknē. Sasadorbojūt Bolvu Centralajai bibliotekai, Latgolys Kulturviesturis muzejam i Latvejis Nacionalajai bibliotekai sataiseita ari itei izstuode „Latgolys dvēselis tulkam Mikeļam Bukšam 100”, kas da itam beja apsaverama Latgolys Kulturviesturis muzejā Rēzeknē, Latvejis Nacionalajā bibliotekā Reigā i niu atsagrīž tyvuok Bukša dzymtajom vītom. Bolvu nūvoda muzejā izstuode byus apsaverama da goda beigu, nu piečuok tei byus apsaverama Baļtinovā, Vileks nūvoda bibliotekā i cytūs Latvejis nūvodūs.

Izstuodē ir vareiba apsavērt  Mikeļa Bukša viestulis, kartenis i gruomotys, juo laikabīdru – Alberta Pleiša, Konstantina Poča, Vladislava Luoča – atminis par Mikeļa dzeivi i darbeibu, kai ari videomateriali par Bukša dzeivisbīdris Janīnys Bukšys pādejū gasteišonys reizi Latvejā 20. gs. 90. godūs.

Print Friendly, PDF & Email

Kalenders

Jul
13
Sai
19:00 Koncertizvadums “Atgriežamies La... @ Lejiscīma estrade
Koncertizvadums “Atgriežamies La... @ Lejiscīma estrade
Jul 13 @ 19:00 – 21:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
22:00 Postfolklorys grupys “Rikši” uza... @ Rotko muzeja pogolms
Postfolklorys grupys “Rikši” uza... @ Rotko muzeja pogolms
Jul 13 @ 22:00 – 23:00
13. julī Daugovpiļs cītūksnī nūtiks 7. storptautyskais viesturyskuos rekonstrukcejis festivals “Dinaburg 1812”. Tū nūslēgs postfolklorys grupys “Rikši” uzastuošona.