Itymā laikā iz rudiņa i zīmys rūbeža, dobys skanis muzykā īauž Guntra i aicynoj nūsaklauseit juos jaunū dzīsmi „Ilgi”.

Dzīsmis vuordu autore ir latgalīšu dzejneica Ingrīda Tārauda, kurai dreižumā izīs jauns dzejis kruojums, nu muzykys autors ir Ingars Gusāns („Sovvaļnīks”). Dzīsmis aranžiejumu taisejuse poša Guntra, producents – Gints Stankevičs.

Guntra (Guntra Kuzmina) leluoku atpazeistameibu dabuoja kūpā ar grupu “Borowa Mc” – eipaši dzīsmi “Vysskaistuokai meitinei”, apburūt klauseituojus ar sovu skaistū bolsu. Taipat Guntra ir vokalūs ansambļu “Pērlis”  i “Knifs” vadeituoja, dorbojās Rēzeknis vokalajā grupā, kai ari pīsadola cytūs projektūs i izastuoj kai solo muokslineica. Guntra ir profesionala dzīduotuoja, dzīduošonu vuicejusēs Jāzepa Vītola Latvejis Muzykys akademejā.

Vaira par Guntrys muzykalajom aktivitatem skaiti: http://www.draugiem.lv/guntrakuzmina/

Pīduovojam nūsavērt dzīsmis „Ilgi” video verseju A. Kryumeņa i A. Dadeikys redziejumā:

Karteņa – Guntrys publicitatis materiali

Drukavuot