Latgalīšu muzykys vaicuojums/ Pi myusim Latgolā!

Latgalīšu muzykys vaicuojums/ Pi myusim Latgolā!
Nūsaklausi raidejuma cykla „Pi myusim Latgolā!” laidīni par latgalīšu popularuos muzykys pyrmasuokumim i perspektivom iz prīšku.

Raidejumā dzierdēsit Šlageraptaujis pyrmū vītu dabuojušuos grupys „Galaktika” muzykys i vuordu autoru Normundu Zušu, „Latgolys Producentu grupys” vadeituoju Gunti Rasimu, kai ari Aigaru Runči, kurs atkluos, kai tod roduos grupa „Borowa Mc”, tapat vairuokus cytus latgalīšu muzykys puorstuovus. Par latgalīšu muzykys fenomenu i kūpejū atteisteibu sovu redziejumu stuosteis Latvejis radejis 2. programys muzykys redaktors Roberts Buivids.

Raidejumu cykls „Pi myusim Latgolā!” teik taiseits Nacionaluos Elektroniskūs plašsazinis leidzekļu padūmis reikuotuo konkursa „Par raidejumu taiseišonu regionalajūs i vītejūs elektreoniskajūs plašsazinis leidzekļūs, kas raida radeju programys, Latgolys regionā” ītvorūs.

Raidejumu cyklu taisa producentu grupa SIA „Lietišķā Latgale”, pīaicynojūt vītejūs žurnālistus, i da ituo goda beigu planavuots sataiseit ostiņus raidejumus par Latgolys regionā aktualom i nūzeimeigom temom kai administratīvi teritorialuo reforma i tuos ītekme iz īdzeivuotuoju kasdīnu, latgalīšu volūdys aktualizaceja, tautīšu reintegraceja i cytys.

Raidejums „Pi myusim Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lvlatgale.lv i i-rezekne.lv.

Karteņā – grupa “Green Novice” ituo goda augustā, karteņa nu LaKuGys arhiva

Print Friendly, PDF & Email

Komentari

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]