Šuo goda rudinī Osyunes pogosta padūme ar bolsu puorsvoru nūlēme jaunuo pogosta centri dybynuot Kepavā, un lyugt Rēzeknes apriņka lauku pašvaļdeibu vacuokū pīkrist Bukmuižas pogosta daļas pīvīnuošonai jaudybynuotajam pogostam – viņa paplašinuošonai…

…Īvārojūt lelū attuolumu, kaidu beja juomērej nūmales zemnīkim leidz Osyunei, vairums šuo pogosta nūmales piļsuoņu īsnēdze Daugovpiļs apriņka lauku pašvaļdeibu vacuokam kolektīvu lyugumu – atdolūt nu Osyunes pogosta, apmāram, vdivus nūvodus un pīvīnojūt kluot daļu Bukmuižas īdzeivuotuoju – ap 13 sādžu, dybynuot jaunu pogostu ar centru Žažuļovā, jo nu viņas apkuortejūs pogostu rūbežas napuorsnāgtu 11 kilometrus un nabyutu tyvuok par 8 kilometrim, izjamūt Padūmu Krīvejas rūbežu, kura ir 4,5 kilometri attuolumā. Jamūt vārā lelūs nūdūkļu nostas un klaušu gryuteibas, kaidas caltūs ar pogosta noma izbyuvi un zemes īpierkšonu pašvaļdeibas vajadzeibom, šuos sādžās zemturi pašaizlīdzeigi nuoce pretim un bez kautkaidas atleidzeibas zīduoja jaundybynojamuo pogosta pašvaļdeibas lobā 4 ha zemes, attīceigu muoju pogosta nomam un Ls 1000, – naudā. Turpat atsarūn ari nu vaļsts meža pīškierts 3 ha lels zemes gobols, apaugušais ar mežu. Pauļu – kolna pamatskūlas noma byuvei.

A. Eglainītis

Olūts: Jaunais Vōrds. – Rēzekne, 1937. g. 2. decembrī. – Nr. 46. – 7. pl.

Karteņa “Pyrmais snīgs” – nu tuos pošys gazetys.