Robertam Mūkam veļteita nedeļa Gaļānūs

Robertam Mūkam veļteita nedeļa Gaļānūs

Zynuotnīks Roberts Mūks, eistajā vuordā Roberts Avens, dzims 1923. goda 14. janvārī Riezeknis apriņčī Vydsmuižys (Gaļānu) pogostā. Ūtruo pasauļa kara nūtykumu deļ devēs trymdā i Latvejā iz patstuoveigu dzeivi asagrīze tikai deveņdasmytajūs godūs. Myužeibā R. Mūks aizguoja 2006. goda 4. janvarī i tyka paglobuots Gaļānu kopūs. Sova myuža leluokū daļu veļtejs filozofejai i religeju pietnīceibai, rakstejs ari dzeju.

Pīmynūt Robertu Mūku, Gaļānūs itūnedeļ nūtiks vairuoki pasuokumi:

14. janvarī zeimiejumu i kolažu veiduošona Rībeņu nūvoda školuos „Roberta Mūka dzeja munā redziejumā”;
15. janvarī daiļlaseituoju konkurss – R. Mūka dzejis lasejumi Rībeņu nūvoda školuos;
17. janvarī konkurss nūvoda školu komandom „Īpazeisti nūvodnīku Robertu Mūku”, zeimiejumu i kolažu, daiļlaseituoju izviertiešona, rodūši aizdavumi, uzvarātuoju apbolvuošona Roberta Mūka muzejā;
18. janvarī zynuotniska konference Gaļānu kulturys nomā. Lektori: Vīsturs Vecgrāvis (literatūrzynuotnīks), Janīna Kurseite (habilitātuo filologejis doktore, LU profesore), Maija Kūle (LU profesore), Igors Šuvajevs (LU profesors), Ilga Šuplinska (Dr.philol.doc., RA), Valentins Lukaševics (Dr.philol., DU), Kristīne Modnika (Jākubpiļs VĢ latvīšu vol. i literaturys školuotuoja).

Karteņa: galenupamatskola.lv
Ziņu sagataveja: LaKuGa

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]