Izguojuse Pītera Stroda pareizraksteibys vuordineicys elektroniskuo verseja

Izguojuse Pītera Stroda pareizraksteibys vuordineicys elektroniskuo verseja

Latgalīšu volūdys interesentim jau kaidu laiceņu elektroniskā versejā ir pīeimama Pītera Stroda (1892–1960) latgalīšu volūdys pareizraksteibys vuordineica. Gruomotu 2012. godā izdavuse Latgolas Kulturas centra izdevnīceiba sadarbeibā ar Latvejis Nacionaluos bibliotekys Atbolsta bīdreibu. Sovukuort elektroniskuo verseja ir topuse ar izdevnīceibys „Lielvārds” atbolstu. Ar elektorniskū verseju var īsapazeit ite.

Dr. phil. Pītera Stroda vadeibā 20. godu symta 30. godūs tyka īsuokta latgalīšu volūdys raksteibys reforma, kurys mierkis beja tyvynuot raksteitū vuordu tautā runuotojam. Sakarā ar 1934. goda Ulmaņa apvārsumu i vaļsts kultrys i politikys maiņu īceri naīsadeve realizēt da gola.

Pītera Stroda izstruoduotajai gramatikai ir lela nūzeime nu kulturviesturiskuo vīdūkļa, i tei ir ari pamatā 2008. godā pījimtajim Latgalīšu pareizraksteibys nūsacejumim, tūmār latgaliski raksteit grybātuoji ir aicynuoti pīsaturēt pi 2008. godā izstruoduotajim pareizraksteibys nūsacejumim, kuri ir pīeimami ite.

Ziņu sagataveja: LaKuGa

Print Friendly, PDF & Email

Nūtikšonu kalendars