Nacionaluo elektroniskūs plošsazinis leidzekļu padūme ir izsludynuojuse divejus konkursus „Par raidījumu veidošanu 2013. gadā Latgales reģionālajos un vietējos plašsaziņas līdzekļos, kas raida televīzijas programmas” i „Par raidījumu veidošanu 2013. gadā Latgales reģionālajos un vietējos plašsaziņas līdzekļos, kas raida radio programmas”.

Konkursu mierkis ir sabīdreibys salīdiešona, nacionaluos identitatis i vaļsts volūdys poziceju nūstyprynuošonys pasuokumu eistynuošona, lai panuoktu Latvejis identitatis i pīdereibys sajiutys styprynuošonu caur regionaluos i vītejuos identitatis apsazynuošonu i veicynuošonu, itamā procesā īsaistūt Latgolys regiona puorstuovus kai medeju satura veiduotuojus i izplateituojus.

Pretendentu dokumentu pījimšona nūtiks leidz 2013. goda 14. februaram 10 stuņdem Reigā, Dūma laukumā 8A, LV-1939. Pretendentu izviertiešona i lāmuma pījimšona nūtiks leidz 2013. goda 28. februaram.

Karteņa: nrtp.lv
Ziņu sagataveja: LaKuGa