Ludzys omotnīku centrs pīsoka sevi „TV3” raidejumā „Mūsdienu Latvijas garša”
Garšys ekspedicejis „Mūsdienu Latvijas mūsdienu garša” ūtrajā sezonā pīsadaleis ludzānīts Ēriks Kondrāts nu Ludzys omotnīkim. Ludzā filmiešona nūtyka Omotnīku centra Latgaļu kuknē, kur omotnīku „viersaits” Ēriks Kondrāts gataveja latgalīšu senejūs iedīņus ar captim jāra pautim, kurim kluot pasnīdze burkuonus, boltūs pupu i pastinaku sautiejumu. Ēriks nav profesionals povuors, bet vysod ir interesiejīs par senejim latgaļu iedīnim, tūs gataveišonys tradiceju i viesturi. Pyrms konkursa iedīņa pasnīgšonys Ēriks gostus pacīneja ar latgaļu kruosnī captu kirbi, kas piļdeits ar bīzuo pīna soldonū masu.
Ēriks uzsver, ka gribiejs vēļreiz pastuosteit Latvejai, ka ir taida piļsāta Ludza pošā Latvejis austrumu pīrūbežā, ka te ir Omotnīku centrs, ka te ir daudz interesantu cylvāku, kurim ir kū pastuosteit i ir ar kū lepuotīs.
Raidejumu par Ludzā topušū latgalīšu iedīni varēs redzēt „TV3” 17. februarī 18:30 stuņdēs.
Karteņa: ludza.lv
Ziņu sagataveja:LaKuGa
