„Bļīnu trikmīņs” aizvadeits

„Bļīnu trikmīņs” aizvadeits

Riezeknī 8. februarī nūtyka pasuokums ar vysai interesantu nūsaukumu – „Bļīnu trikmīņs”. Laseituojam gon jau rūnās vaicuojums, kas tod ir tys „trikmīņs”? Tū varātu skaidruot, kai piešku nūtykumu, kas roda pozitivu uztraukumu, kū varātu izsaceit ari kai „uuhhh!”.

Pasuokuma laikā tyka izvārtātys konkursam īsnīgtuos blīnu receptis, žūrejā beja Austrumlatgolys Profesionaluos vydsškolys pasnīdziejis Rita Melne, Dzidra Babra i Nataleja Jemeļjanova. Pasuokuma laikā sovu meistareibu demonstrēja vydsškolys audziekni i Riezeknis Augstškolys studentis.

Par jautreibu pasuokumā ryupējuos Riezeknis kulturys noma kolektivi, kuri na tikai dzīduoja, stuosteja nūstuostus i ticiejumus par blīnim i tūs cepšonu, bet arī gasteja atnuokušūs ar dažaidim blīnim.

LaKuGa pīduovoj skaiteituojim sajust pasuokuma garšu i pošim paraudzeit konkursam „Capam bļīnus” īsnīgtū blīnu receptu.

Uobuļu bļīni
Ryugušnīks
Ūlys
Cukrys i suoļs
Soda
Mylti
Vaniļa cukrys
Reivāti uobuli, var pīlikt ūgys (kaidys gryb)
Iz rupuos tarkys satarkoj obuļus, dabuovej ryuguli, ūlys, daber myltus i cukri, suoli i sodu. Vāluok dalīk ūgys. Vysu dora ar mīlesteibu i lobom dūmom. Saīt gordai.
Receptis autore: Lideja Polukejeva

Kartenis: D. Salmiņa,  M. Justs
Ziņu sagataveja: LaKuGa

Print Friendly, PDF & Email

Komentari

Kalenders

Mar
7
Cat
16:00 Valentina Lukaševiča gruomotys “... @ Latgolys Centraluo biblioteka
Valentina Lukaševiča gruomotys “... @ Latgolys Centraluo biblioteka
Mar 7 @ 16:00 – 17:30
7. martā 16.00 stuņdēs Daugovpilī, Latgolys Centralajā bibliotekā, 2. stuovā (Reigys īlā 22a) nūtiks Valentina Lukaševiča vītu stuostu kruojuma “Dīnvydlatgolys stuosti” prezentaceja i sasatikšona ar autoru. Gruomotys 39 stuostūs autors, ceļojūt na tik telpā, bet[...]