Juoņa Iudra pīminis ustoba Bolvu nūvoda muzejā

Juoņa Iudra pīminis ustoba Bolvu nūvoda muzejā

Gondreiž desmit godus  Bolvu nūvoda muzeja pastuoveigajā ekspozicejā apsaverama muosklinīka Juoņa Iudra (Jāņa Ūdra) pīminis ustoba, kurymā apsaverami muokslinīka dorbi i dzeivis šaļts fotokarteņuos.

Muokslinīks Juoņs Iudrys dzims 1906. goda 30. aprelī Gulbenis nūvoda Stāmerīnys pogostā, nu ūtruo puse myuža dzeivis i radūšuo dorba godu paguojuse Bolvūs. Vuicejīs Stāmerīnys pamatškolā i Cesvainis vydsškolā, 1924. godā īsastuojs Latvejis Muokslys akademejā, kur juo školuotuoji beja taidi Latvejā pazeistami muokslenīki kai Juoņs Tilbergs, Konrāds Ubāns, Kārlis Mīsnīks i Voldemars Tone. Piec studeju beigšonys dorbuojīs Naatkareigūs muokslenīku bīdreibā. Par J. Iudri vaļsts mārūgā lyka runuot juo uzvara konkursā par gleznu Kārļa Ulmaņa vosorys dzeivūkļa Boltuo zala sīnai. Konkursā pīsadaleja vaira kai 50 muokslenīki, nu par vierteiguokū žureja atzyna Juoņa Iudra gleznu „Dorba steigā”.

Juoņs Iudrys gleznuojis portretus, ainovys, sadzeivis ainovys – tei bejuse vysu meiļuokuo dorba tema, nu muokslenīka stypruo puse bejuši dažaidi portreti. Cīši daudz dorbūs ir Bolvu pusis ainovu i cylvāku. J. Iudra dorbi globojās na viņ muzeja kruojumā, nu leluokuo daļa dažaiduos privatkolekcejuos.

Muokslenīks ilgus godus struoduojs ari par zeimēšonys školuotuoju gon Vileks gimanzejā, gon Litenis vydsškolā. Ūtruo pasauļa kara laikā represāts i izsyuteits, nu pieckara godūs dzeivuojis Bolvūs, kur struoduojs gadejuma dorbus i gleznuojs. Juoņs Iudris mirs 1973. godā i paglobuots Bolvu piļsātys Začu kopūs.

Informaceja nu Bolvu regiona kulturviesturis datu bazis.

Karteņuos – Juoņa Iudra pīminis ustoba Bolvu nūvoda muzejā, foto E. Husare i A. Žubeckis.

 

Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
23:15 Kina “Cylvāka bārns” @ LTV1
Kina “Cylvāka bārns” @ LTV1
Mar 2 @ 23:15 – Mar 3 @ 01:00
Tei ir pyrmuo latgalīšu kina – Latgolā (Sakstagolā) filmāta i pošu latgalīšu spākim veiduota. Kina ir baļsteita iz Juoņa Klīdzēja romana ar taidu pošu nūsaukumu motivim. Stuosts par Latgolys Paulānu saimis dzeivi, par tradicejom i[...]