Aglyunys nūvoda īdzeivuotuojs Aivars Valains turpynoj dorbu pi Aglyunys bazilikys himnys „Jaunova Svātuo, Aglyunas bazneicā” tulkuošonys dažaiduos volūduos. Dzīsme tyka saraksteita 1835. godā poļaku volūdā i niu i klivuse par vīnu nu lyugšonom svātceļuojumu laikā. Dzīsme teik tulkuota, lai cylvākim, kuri dūdās uz Vyssvātuokuos Jaunovys Marejis Dabasūs uzjimšonys svātkim Aglyunā, byutu īspiejams dzīsmi dzīduot sovā dzymtajā volūdā. Itūšaļt tei ir pīejama vairuokuos volūduos – latgalīšu, latvīšu, krīvu, lītovīšu, žemaišu, poļaku, ukraiņu i ventu volūduos, ar tulkuojumim var īsapazeit Aglyunys nūvoda sātys lopā. Itūšaļt dzīsme teik tulkuota iz boltkrīvu, ukraiņu, tataru, horvatu, angļu i līvu volūdu.

Idejis autors byus prīceigs sajimt komentarus i īteikumus par dzīsmis tulkuojumu, ar jū var sasazynuot pa e-postu vajaai@inbox.lv (Aivars Valainis).

Karteņa: LaKuGys arhivs
Ziņu sagataveja: LaKuGa