Latgalīši Latvejis gruomotu izstuodē

Latgalīši Latvejis gruomotu izstuodē

Nu 28. februara leidz 3. martam Reigā, Kīpsolys izstuožu hallē, nūtiks goda nūzeimeiguokais nūtykums Latvejis gruomotnīceibā – “Latvijas Grāmatu izstāde 2013”. Itamuos dīnuos Kīpsola byus īdvasmojūša gruomotu piļsāta, kur sasatiks rakstnīki, izdevieji, tulkuotuoji i skaiteituoji.

Sūpluok cytim izstuodē byus ari latgalīšu gruomotu stends. Tī byus īspieja atrast kai pošys jaunuokuos latgalīšu autoru gruomotys, tai ari seņuok izguojušus izdavumus nu izdevieju nūlyktovom. Latgalīšu gruomotu stendu izstuodē pīduovoj bīdreiba “Latgolys Studentu centrs”.

Sastdiņ, 2. martā, 10:15 stuņdēs nu reita izstuodē byus latgalīšu bārnu reits.

Izstuodis apmaklātuojim byus īspieja īsapazeit ar jaunuos bārnu kruosojamuos gruomotys “Munā sātā” varūnim,  kas dzeivoj klāvā i ustobā, – gūvi Zīdali i teļu Pupuzīdu, vepri Onupri i vucynu Kostynu, peilynu Eilynu i peili Veili, kačini Murku i suneiti Krikseiti i jūs pīdzeivuojumim Latgolys sātā.

Skanēs Ontona Slišāna bārnu dzeja, byus juoatmiņ latgalīšu meiklis par sātys kustūnim.

Izstuodis dorba laiks:
28. februarī 10.00–18.00
1. martā 10.00–18.00
2. martā 10.00–18.00
3. martā 10.00–17.00

Īejis beleta cena 0.50 LVL, pensionarim, invalidim, bārnim leidz 7 godu vacumam i izstuodis “Skola 2013” apmaklātuojim īeja bez moksys.

 

Karteņa: LgSC arhivs
Ziņu sagataveja: LaKuGa

Print Friendly, PDF & Email

Komentari

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]