Daugovpilī nūtiks seminars „Ebreji Latgalē: vēsture un piemiņa”

Daugovpilī nūtiks seminars „Ebreji Latgalē: vēsture un piemiņa”

Muzejs „Ebreji Latvijā” sadarbeibā ar Daugovpiļs Universitati reikoj seminaru „Ebreji Latgalē: vēsture un piemiņa”, kas nūtiks ituo goda 7.–9. martā Daugovpilī.

Seminara mierkis ir īpazeistynuot, kūpā izzynuot i apdūmuot ebreju viesturi, dzeivi i kulturu nu pyrmajom kūpīnom, kas beja apsamatušs Latgolā, leidz myusu dīnom, kai ari izprast latvīšu i ebreju tautu sovstorpejuos attīceibys. Eipaša uzmaneiba byus veļteita dažaidim holokausta viesturis aspektim – nacistu propagandai i presei, nacistu okupacejis režima represivajom i varys strukturom, holokausta viesturis raksteišonai i izpietei, kai ari pīmiņai par tū.

Seminara dalinīkim byus īspieja nūsaklauseit vodūšu zynuotnīku – Latvejis Universitatis, Latvejis Okupacejis muzeja i Daugovpiļs Universitatis pasnīdzieju i pietnīku – lekcejis, pīsadaleit diskusejuos, kai ari naformalā gaisūtnē īsapazeit ar ebreju tradicejom. Seminaram pīsateikt teik aicynuoti Latgolys piļsātu i nūvodu pošvaļdeibu darbinīki, turisma informacejis centru, muzeju i kulturys nomu darbinīki, žurnalisti, pedagogi, navaļstiskūs organizaceju puorstuovi i cyti regiona sabīdriskuos dūmys veiduotuoji.

Daleiba seminārā juopīsoka leidz 1. martam, aizpyldūt anketu (vērtīs zamuok) i nūsyutūt tū iz epostu info@ebrejumuzejs.lv.

Seminars ir LR Izgleiteibys i zynuotnis ministrejis registrāta vuiceibu programma, par daleibu kurā varēs sajimt aplīceibu.

Seminara dalinīkim tiks nūdrūsynuota ādynuošona, kai ari nakšņuošona vīsneicā tim, kas dzeivoj uorpus Daugovpiļs. Vajadzeibys gadīnī tiks sagti ceļa izdavumi sabīdriskajam transportam leidz Daugovpilij i atpakaļ.
Seminara dorba volūda – latvīšu.
Papyldus informaceja par seminaru pa telefonu 67283484 (Marina Gehta) ci pa e-postu info@ebrejumuzejs.lv.

 

 
Karteņa: seminara orginizatoru logo
Ziņu sagataveja: LaKuGa

Kalenders

May
17
Sai
all-day Anatolija Zelča izstuode “61. ki... @ Latgolys Kulturviesturis muzejs
Anatolija Zelča izstuode “61. ki... @ Latgolys Kulturviesturis muzejs
May 17 all-day
Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs”[...]
all-day Izstuode “Paātrinājums” @ Jaunbyuvis biblioteka
Izstuode “Paātrinājums” @ Jaunbyuvis biblioteka
May 17 all-day
Izstuodei izalaseitys sešys izcylys personeibys; kotra nu tūs puorstuov kaidu nu sešu Latvejis kulturviesturiskūs nūvodu, apzynuotai izcalta gruomatnīku darbeiba uorpus golvyspiļsātys. Gruomatnīku geografiskuos darbeibys vītys īzeimātys stilizātā Latvejis kartis konturā: Pīreiga, Puordaugova (Vilis Altbergs), Latgola[...]
11:00 Muzeju nakts @ "Zvaigzne ABC" Rēzeknis veikals
Muzeju nakts @ "Zvaigzne ABC" Rēzeknis veikals
May 17 @ 11:00 – 14:00
11.00–12.00    Meldrys Gailānis gruomotys “Kai palikt par eistynu luoci” attaiseišona. 12.00–13.00    Laura Seņkāne apgleznuos sejis ar akvagrimu. 13.00–14.00    Gasteis “Veselīgi Gardumi”.