Apsprīž īspieju Daugovpilī uzstuodeit pīminekli Juoņam Volontam

Apsprīž īspieju Daugovpilī uzstuodeit pīminekli Juoņam Volontam

Daugovpilī teik apsvārta īspieja par pīminekļa uzstuodeišonu kuodreizejam piļsātys meram – Juoņam Volontam (1882–1943), kurs beja pyrmais piļsātys vadeituojs latgalīts. Itūšaļt nav zynoma juo kopa vīta, partū ka mirs izsyutejumā, kai ari Latvejā nav taidys vītys, kurā byutu īmyužynuota juo pīmiņa. Leidz ar tū ar pīminekļa izstuodeišonu tyktu izveiduota pīminis vīta.

Juoņs Volonts par Daugovpiļs piļsātys golvu kliva 1923. godā i tū vadeja leidz 1937. godam, kod puorsacēle iz Reigu. Volonts piļsātu vadeja četrpadsmit godu, i itamā laikā tyka uzcalts Vīneibys noms, Vīneibys tylts, Zemis bankys i posta ākys, īreikuoti jauni parki i skveri i izdareits daudz kas cyts.

Ziņu sagataveja: LaKuGa