Reit Reigā Eiropys Savīneibys sātā Sarunu ustobā (Aspazejis bulv. 28) 16 stuņdēs nūtiks pasuokumu cykla LZA Akademiskī lasejumi kuortejais lasejums „20. gadsimta vēstures notikumi dienvidaustrumu Latvijas iedzīvotāju atmiņās”.

Lasejumu snīgs Daugovpiļs Universitatis profesore, viesturis katedrys vadeituoja i Mutvuordu viesturis centra vadeituoja viesturis doktore Irēna Saleniece.

10 godu darbeibys laikā Daugovpiļs Universitatis Mutvuordu viesturis centrā ir savuokts vairuok kai 1000 dīnvidaustrumu Latvejis cylvāku dzeivisstuostu. Tī ļaun īsavērt paguotnē i īraudzeit „Ulmaņlaikus” i 1940. goda nūtykumus, Ūtrū pasauļa karu, staļinisma pūsmu, „atkusni” i 90. godu puormainis „vīnkuoršuo” cylvāka acim. Dzeivis stuosti paleidz izprast 20. godu symta Latvejis viesturi navys nu varys puorstuovu, bet nu viesturis procesa īryndys dalinīku pusis, taidā veidā pīškirūt tai reālistiskuoku i humanuoku dimenseju.

 
Karteņa: europarl.lv
Ziņu sagataveja: LaKuGa