Dokumentalajā kinā „Izolētie latvieši” stuosts par bīdreibu „Pūga”

Dokumentalajā kinā „Izolētie latvieši” stuosts par bīdreibu „Pūga”

Naatkareiguo producente Kristīne Zamurajeva i jaunais dokumentalūs kinu režisors Kārlis Lesiņš martā Reigā prezentēs dokumentalū kinu „Izolētie latvieši”.
Kārlis i Kristīne paguojušuo goda augustā ar „Open Society Foundation” atbolstu izsuoce braucīni pa Latvejis laukim, lai kotrā regionā atrostu cylvākus, kas piec breivys iniciativys veidoj sovys piļsātys ci cīma sabīdriskū dzeivi, veicynojūt sovys dzeivis vītys pīviļceibu i pošpīteikameibu. Kinys veiduotuoji izavielēja jaunus, entuziastiskus cylvākus, kas aktivi dorbojās sovā komūnā i par speiti gryuteibom i sabīdreibys nūstuojai ceņšās tū atteisteit. Izvālātī personaži skaidri apsazynoj sovu lūmu situacejis uzlobuošonā i izavielej palikt, lai sovu potencialu realizātu dzymtajā vītā.
Kina sastuov nu četrim stuostim par četrom Latvejis vītom kotrā regionā. Nu Latgolys regiona kinā teik stuosteits par Kuorsovys nūvoda jaunīšu centru „Pūga” i centra izveiduotuojim Inesi, Ingu, Juri i Pīteri, kas, izavuicejušs lelajuos piļsātuos, saprota, ka grib i var realizētīs ari poši sovā nūvodā, i cer, ka ar sovom aktivitatem spēs nūturēt ari cytus.
Piec pyrmizruodem video tiks pīduovuots Latvejis školom, kai materials vydsškoļnīkim, lai rūsynuotu diskuseju par vītejuos pošiniciativys nūzeimi.

Karteņa: ekranšuovīņs nu kinys
Ziņu sagataveja: LaKuGa

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]