Jau reit izskanēs Rēzeknis Zaļūs pokolnu kuora bolsi

Jau reit izskanēs Rēzeknis Zaļūs pokolnu kuora bolsi

Reit “TV3” 20 stuņdēs suoksīs televizejis šova „Kuoru kari” 3. sezona, kurā pīsadaleis Normunda Zuša vadeitais Rēzeknis Zaļūs pokolnu kuors.

Poši kuora dalīniki par jūs saīšonu kūpā roksta – seņ senejūs laikūs, pat cīši senejūs, kod Daugova vēļ tecēja iz ūtru pusi, myusu dzimtinis zaļajūs mežūs, kolnūs i pakolnūs vīteruoja breineigi bolsi, kuri tai viņ sauce piec sasadzīduošonys. Bet kotram bolsam beja sova melodeja.

Tai guoja dīnys, mieneši i godi, cikom kaidā zaļā, saulis apmyrdzātā reitā, zaļūs pokolnu i īleju, zaļūs mežu i pļovu bolsi vīnuojuos vīnā zaļā dzīsmē, kai taidā gunkura līsmē, kuru gryuts nūdzēst, bet gryuts ari savaļdeit. I tod puiši izguoja no zalim mežim i meitys zaļūs lynu lyndrakūs i kūšūs vaiņuceņūs kuope lejā nu zaļajim kolnim, lai sasatiktu Rēzeknē – piļsātā iz 7 zalim pakolnim, piļsātā – Latgolys sirdī.

Zaļūs pokolnu kuorī apsavīnuojuši 16 dzīduotuoji nu Rēzeknis i tuos apleicīnis – Zaiga Pavlovska (nu dzīdūšuos Pavlovsku saimis), Ingars i Arturs Punculi (šova “Dzīdūšuos saimis” uzvarātuoji), Aija Eriņa (nu dzīdūšuos Eriņu saimis i konkursa “Latvejis talants” uzvarātuoja), Inga Mazure (duets “Inga i Normunds”), Gints Ločmelis (nu grupys “Ginc&Es”), Baiba Reine (ituo goda Eirovizejis dzīšmu konkursa pusfinaliste), Mārtiņš Strods, Lauris Komuls, Normunds Litovnieks, Leila Rasima, Linda Mežore, Ingrīda Balode, Antra Skutele, Muorteņš Drulis i Rolands Keišs.

Ja Rēzeknis Zaļūs pakolnu kuors īgius golvonū bolvu, jī tū zīduos Rēzeknis slimneicys dzemdeibu nūdaļai, prīkšlaiceigi dzymušū bārnu saglobuošonys aparata „inkubatora” pierkšonai.

Kuora aktivitatem leidza var sekuot ari lopā draugiem.lv 
Pīduovojam nūsavērt video par kora dalinīku atlasi Rēzeknē

Karteņa: kuora publicitatis foto
Ziņu sagataveja: LaKuGa

Print Friendly, PDF & Email

Kalenders

Mar
7
Cat
16:00 Valentina Lukaševiča gruomotys “... @ Latgolys Centraluo biblioteka
Valentina Lukaševiča gruomotys “... @ Latgolys Centraluo biblioteka
Mar 7 @ 16:00 – 17:30
7. martā 16.00 stuņdēs Daugovpilī, Latgolys Centralajā bibliotekā, 2. stuovā (Reigys īlā 22a) nūtiks Valentina Lukaševiča vītu stuostu kruojuma “Dīnvydlatgolys stuosti” prezentaceja i sasatikšona ar autoru. Gruomotys 39 stuostūs autors, ceļojūt na tik telpā, bet[...]