Rēzeknis piļsātys kulturys nomā 10. martā 17 stuņdēs Tihovsku saime klauseituojus prīcynuos ar jaunu koncertprogrammu.

Ludzānīši Tihovski, LNT šova „Dzīdūšuos saimis 4” uzvarātuoji, suoc koncerttyuri pa Latveju. Tuos īrūsynuotuoji ir klauseituoji nu tyvim i tuolim Latvejis nūvodim. Koncertā byus īspieja dzierdēt tautā īmīļuotys dzīsmis nu šova programmys, kai ari jaunus prīšknasumus.

Koncertūs skanēs latgalīšu tautys dzīsmis nu folklorys kūpys „Iļža” repertuara, īmīļuotys Raimonda Paula, Imanta Kaļneņa i cytu popularu komponistu dzīsmis. Programma īcarāta kai muzykals ceļuojums laikā, kur senatneigais sasateik ar myusdīneigū. Kūpā ar Tihovskim iz skatuvis muzicēs gitarists Ēriks Upenieks i tausteņus spēlēs Juoņs Lemežis. Muzykalū pavadejumu dzīsmem radeis ari poši solisti ar vijūli, kūkli, ceitaru, bungom i akordeonu.

Koncerta beleta cena: Ls 3,00–4,00.

Ziņu sagataveja: LaKuGa