Kina „Vīna vosora deļ vysu” sovu pyrmizruodi pīdzeivuos jau majā Muzeju nakts programmys gaitā 18. majā Latgolys viestnīceibā „Gors”. „Gorā” izruodi varēs redzēt ari 22. i 25. majā, bet Rēzeknis nūvoda dūmē – 21. majā.

Ar kinys paleidzeibu tuos veiduotuoji – Latgolys entuziastu grupa “Bildis” gryb paust sovu vīdūkli par realū, naizskaistynuotū dzeivi Latgolys laukūs, kur prīki mejās ar bādom, problemys i tūs rysynuojumi ir vīnleidz īspiejami, kur tradicionalais sadzeivoj ar modernū.

Kinys filmiešona nūtyka aizvadeitajā vosorā Rēzeknis nūvoda Ūzūlainis pogosta Pauliņūs, Ruņču sātā, īsaistūt golvonū lūmu atveiduošonā gon Latgolā jau zynomus cylvākus, gon atkluojūt pavysam jaunus talantus. Kinā golvonuos lūmys atveidoj Daila Ekimāne, Diāna Bernāne, Ilmārs Dreļs, Andrejs Rudzinskis, Santa Seržante i daudzi cyti.

Jau tagad kulturys nomi, klubi i cytys kulturys īstuodis var pīsateikt iz kinys izruodeišonu, rokstūt epostu iz bildis@inbox.lv i sajamūt veidlopu.

Ziņu sagataveja: LaKuGa