Diveji muzykali jaunumi Latgolys šlagermuzykā

Diveji muzykali jaunumi Latgolys šlagermuzykā

Marta vyds atness divejus jaunus īrokstus latgalīšu muzykys šlagerlauceņā. Jaunys dzīsmis latgaliski pīduovoj Zintis Krakops i Aldis Kise nu grypys „Marchello”.

MarchelloAldis Kise – Pasoki, bruoleit

Dzīsmis „Pasoki, bruoleit” muzykys autors nav zynoms, nu dzīsmis vuordu autors Francis Kemps. Dzīsmi īdzīduojs Aldis Kise nu grupys „Marchello”. Grupa „Marchello” sovu šlagertrīcīnvīneibys karjeru suokuse vaira kai pyrma 10 godu – tuolajā 2002. godā, kod tik kai īsastuojuši J. Ivanova Rēzeknis Muzykys koledžā sasatyka grupys dalinīki Oļegs Kukarins (tausteni, bolss) i Aldis Kise (akordeons, saksofons, bolss). Niu puiši spielej balūs, kuozuos, jubilejūs i cytūs pasuocīņūs. Aldis cieški viņ īt tolkā ari grupys „Ginc & Es” dalinīkim, pīspielejūt akordeonu. Vaira par grupu „Marchello” skaitit ITE

zintis krakopsZintis Krakops – Solduo

Zintis Krakops niu zynoms kai balu muzykants Latgolā, taipat aktivs Upeitis jaunīšu folklorys kūpys muzykants. Ceļs iz muzyku Zintim suocēs 5 godu vacumā, kod krysttāvs jam izduovynuoja akordeonu, kuru tod ari daguoja vuiceitīs spēlēt. Vydsškolys laikā īsavuicieja gitarys spēli. Da itam vaira tics spieļuots draugu i rodu puļceņā, nu pyrma goda nūpītnuok pīsavārsts balu muzykanta padareišonai. Vaira par Zinti Krakopu skaitit ITE

Kartenis: nu muzykantu privatuo arhiva
Ziņu sagataveja: LaKuGa

Kalenders

Apr
25
Pīk
09:00 “Satiec savu meistaru 2025” @ Latgola
“Satiec savu meistaru 2025” @ Latgola
Apr 25 @ 09:00 – Apr 27 @ 16:00
Jau 17. reizi aprelī vysā Latvejā nūteik kasgadejais pasuokums “Satiec savu meistaru!”, kura laikā sevkurs interesents ir aicynuots dūtīs pi meistaru īpazeit i paraudzeit vysaidys tradicionalūs omotu prasmis.   Vaira par nūtikšonom Latgolā var izzynuot[...]
Apr
27
Svā
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 27 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]