Kotra cylvāka liktiņs saistoms ar tautys viesturi, bet kotram ir sovs paguotnis skatejums i viertiejums, kotram sova paguotnis izjiuta. Vileks nūvoda muzejs aicynoj uzklauseit i izjust tū nūvodnīku pīredzi, kuru dzeive krosi mainejuos 1949. goda 25. martā.

Itamā datumā padūmu okupacejis varys organizātuos masveida deportacejis izruove nu īrostuos vidis – dorba vītys, školys sūla, pogolma – 42 957 Latvejis īdzeivuotuojus, nūmatynojūt jūs svešā zemē, napīmāruotūs klimatiskajūs i naciļvieceigūs sadzeivis apstuokļūs.

Atcerūtīs itū Latvejis 20. gs. viesturis dramatiskū loppusi, Vileks nūvoda muzejā nu 18. leidz 26. martam byus apsaverama izstuode „Vēstures atmiņu apcirkņos”.

Karteņa: Vileks nūvoda muzejs, muzeja arhivs
Ziņu sagataveja: LaKuGa