Pyrmajim saulis storim vejūtīs, Guntra īelpoj pavasari i pīduovoj klauseituojim sovu ituo goda pyrmū singlu „Tik tikko nojaušams…”.

Dzīsmis teksta autori: I. Zīdūņs, G. Kuzmina, muzyka: G. Kuzmina, produciejs Gints Stankevičs.
Guntra Kuzmina, kas pazeistama kai grupys „Borowa MC” vokaliste i leluokūs hitu autore, breivajūs breižūs sacer i izpylda dzīsmis ari ar cytu autoru vuordim, kai ari poša lobpruot izapauž kai klavīru spālātuoja. Golvonuo Guntrys dzīšmu pazeime ir intimitate i trauslums, kas rakstureigs dzīduotuojis īprīkšejom dzīsmem „Dzeltenā” i „Ilgi”. Sovukuort jaunajā dzīsmē „Tik tikko nojaušams…” ir jaušama atsamūsšona i pavasara tyvuošonuos.

Jaunū dzīsmi īspiejams nūsaklauseit ari draugiem.lv/guntrakuzmina

Karteņa: Guntrys Kuzminys arhivs
Ziņu sagataveja: LaKuGa