Puorsoka par mežsorgu

Puorsoka par mežsorgu

Publicāta P. Šmita “Puosokys i teikys”, Reiga, 1937., (saglobuota originaluo raksteiba).

Reiz vīns meža sorgs aizguojis uz mežu un īsavēris azarī nalobū, ka jis izskrīns nu azara un izsāst uz akmina un ruods ūkstu uz augšu Pārkiuņam. A. Pārkiuns cik jam spērs, tik jis vis īskrīns vidā azarī. Tūreiz meža sorgs nūsavērīs, ka Pārkiuns navars juo nūspert, pajēmis sovu blisi un aizluodējis ar dzeivu sudobru. Kai tik jis izskrējis uorā nu azara, kai devis saut — tik palni vīn izjukuši.

Tūreiz puorstuojs Pārkiuns grauzt a zibsnis zibsnēt. Par nacik garu laiku sateik meža sorgs Pārkiuni, kurs soka uz jū, ka tu jū nūsuovis, tūreiz sameiškuots blisem, ka tu vareišķis ar šitū blisi kū tik navīn gribēškis, tū i nūsauškis. Nu jī samej un aizīt sov kurs, sovu ceļu. Reiz dzeršonas laikā meža sorgs sadar, ka šis tū ūzulu sasaudīškis, kurs stuovs uz teiruma. Tū pašu laiku, kai jī sadar, kai jis dūd saut, tai tis ūzuls saskeida smolkom drobockom.

Par nagaru laiku Pārkiuns satikās vēļ ar meža sorgu un sacīja: “Tev ni ar kū nevajadzēja darāt un nasavērt rogā, cik tur pulvera. Kad tu sadarējis, tad meiškūts blisem atpakaļ.”

Nu tuos reizes, ka viņi atmej blisem atpakaļ, vēļ šū dīnu mums nav vaira taidu blišu, ka varātu ūzulu sadauzīt.

Karteņa: LaKuGys arhivs

Kalenders

Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]