Autore: Ilze Jermacāne, Brīžucīma pamatškola, 6.klase

Pīnōkums! Tys ir lels i varens vōrds. Pīnōkums lelu dora ari cylvāku. Rainis ir sacejs, ka „lels ir tys, kas nas lelu pīnōkumu”.

Pasaule buytu brīsmeiga, ka nabuytu pīnōkumu, tod vysapleik vaļdeitu nakōrteiba. Cylvāki buytu mežūni bez izpratnis par sovstarpejom attīceibom.

Pīnōkums ir kai dorbs, kas ir jōpylda. Ka nivīns nastrōdōs, tod myus sagaideis tikai pūsts i iznīceiba. Pīnōkuma apziņa ir jōīaudzynoi giminē. Tei ir sapratne par laiceigom lītom, bez kurom cylvāks, ka gryb dzeivōt saskaņā ar Dīva lykumim, navar iztikt. Lelōkū dzeivis daļu aizjem pīnōkumu veikšona.

Pīnōkumi ir dažaidi: pīnōkumi pret sevi, pret gimini, pret dzymtū zemi un apkōrtejim cylvākim. Tī dūd izpratni par patīsom dzeivis vierteibom. Tī īmoca lītys, kurys ir napīcīšamys dzeivē: mīlesteibu iz dorbu i tyvuokajim, leidzjiuteibu, sapratni i akurāteibu. Ka bārns tiks audzynōts mīlesteibā, tod jis prass tū dūt ari cytim, cīneis sevi i cytus.

Dorbs ir kotra golvonais pīnōkums. Ka mozam bārnam mama līk sakōrtot sovys rūtaļlītys, lelōkam – tureit kōrteibā sovu ustobu i nūslauceit sovu durovu prīkšu, tod šys bārns dzeivē saprass, ka dorbs ir jōmīļoj un ir jōuztver kai prīks. Dorba mīlesteiba ir pamatā dzymtōs pusis mīlesteibai. Prīks īleist munā sirdī, radzūt zīdūšys puču dūbis ar krōsainom jurginem, smaržojūšim flokšim, voskonom kliņgereitem, daudzkrōsainom asterem. Skaists dōrzs ir ari zīmā, kod myužeigi zali paegli, tūjis i sudrabainōs egleitis veidoj zaļu paklōju iz boltō snīga. Tū vysu ir radejs cylvāks, kura golvonais pīnōkums ir dorbs.

Ikvīna vacōka pīnōkums ir mōceit sovu bārnu dorbam. Mōceit redzēt dorbu. Mōceit tū veikt ar mīlesteibu. Mōceit cīneit cyta dorbu.

Na tikai vacōki, bet ari vacvacōki ir lobi padūmdevieji dažōdu dorbu veikšonā. Taida ir muna babeņa, kura pamōceis dorbā i pastōsteis, kai vyss dzeivē nūderēs. I svareigs maņ ir jōs vōrds, uzslava par labi padareitu dorbu. Nūzeimeiga jōs pamōceiba. I dorbs maņ ir prīks.

Tai ka dorbs ir golvonais cylvāka pīnokums, i tikai dorbs dora cylvāku lelu. Dorbs kai golvonais pīnōkums ir vysys dzeivis mārs.

Cik piec seve atstōsim padarietō, tik leli mes buysim.

Karteņa: Intys Valainis zeimiejums