Piec slimeibys myužeibys ceļūs aizguojuse Reigys latgalīšu bīdreibys “Trešuo zvaigzne” vadeituoja, bejušuo školuotuoja, rogovkīte Marta Jurdža.

Taišni juos energejis, aktivitatis i izdūmys bagateibys deļ bīdreibā ir variejuši nūtikt naskaitami satureigi pasuocīni, tykušys styprynuotys saitis ar dzymtuos pusis ļaudim. Juos sātā vīsmīleibu sajāmuši na tikai rodi i draugi – eistā kulturys salona gorā bīdreibys aktivisti ite variejuši sasatikt ar tautīšim kai nu Rītumu, tai Austrumu. Sibira latgalīšim juos sāta vysod ir bejuse atvārta, tī jī puorlaiduši nakts, kod gastejušīs Latvejā i Reigā.

Martys Jurdžys vadeibā bīdreiba tyka puori zynomam krizei i 2006. godā atdzyma jaunam darbeibys cielīņam. Reigys latgalīšu saimei juos zaudiejums ir nanūviertejams.

Atsavadeišona nu Martys Jurdžys 19. aprelī nu 14:30 leidz 15:30 stuņžu Pyrmūs Meža kopu kapličā.

Izvadeišona nu Rogovkys katuoļu bazneicys 20. aprelī 13:00 stuņdēs iz Destnīku kopim.

Myužeigu dusiešonu dūd jai, Kungs, un myužeiguo gaisma lai atspeid jai myužam.

Sibira latgalīšu i bīdreibys bīdru gasteišona pi Martys Jurdžys 2008. goda 29. junī.
M. Jurdža – 1. ryndā 2. nu kreisuos pusis.

Foto: Ilze Sperga