25. aprelī Bolvu Kulturys i atpyutys centrā nūtyka svineigs pasuokums, kurā tyka padūtys Goda bolvys kulturā “Myusu lapnums”. Nominaceju īgivieji ir cylvāki, kas snīguši byutisku īguļdiejumu kulturys nūzarē Bolvu nūvodā.

Nominaceju “Goda cylvāks kulturā 2012” sajēme:

1. Daiga Jēkabsone par īguļdiejumu folklorys nūzaris saglobuošonā i pylnveiduošonā;

2. Zinaīda Logina par kulturys nūtykumu atspūguļuošonu i populariziešonu;

3. Ilze Pugača par radūšū darbneicu i izstuožu organiziešonu Tilžys pogostā;

4. Māris Lāpāns par aktivu leidzdaleibu kulturys dzeivis procesu organiziešonā i nūrisē;

5. Olga Reče par vizualuos muokslys populariziešonu i kulturys dzeivis boguotynuošonu.

Nominaceju “Goda pasuokums” īkštelpuos sajēme:

1. Ruta Cibule, ceļojuošuo izstuode “Latgolys dvieseles tulkam Mikeļam Bukšam 100”;

2. Dzīdūšuo Laicānu gimine LNT šovā;

3. Bolvu Centraluos bibliotekys kolektivs, Gruomotu svātki Bolvūs.

Nominaceju “Goda pasuokums” breivdobā sajēme:

1. Bolvu Muokslys školys kolektivs, „Mākslas dienas 2012. Sajūtu eksplozija krāsās”;

2. Bolvu Nūvoda muzeja kolektivs i Anna Kriviša, Eiropys kulturys montuojuma dīnys Bierzpilī “Ceļojums laikā pa Ičas upi”;

3. Tilžys pogosta puorvaļde, Tilžys pogosta svātki.

Nominaceju īgiviejus sveica senioru kūrs “Pīlādzis”, Bolvu Kulturys i atpyutys centra jauktais kūrs “Ezerkrasts” i Bolvu Muzykys školys 4.-8. klašu vijūlnīku ansamblis. Bolvu nūvoda dūmis prīšksādātuoja Ināra Ņikuļina atzyna, ka itaids pasuokums nūteikti ir vajadzeigs, juodūmoj kai tū vierst plašumā, deļtuo, ka kultura ir tei nūzare, kas veicyna vysa nūvoda atteisteibu.

Ziņu sagataveja: LaKuGa

Karteņa: publicitatis foto