Lītovīšu muokslinīka Jona Pleckeviča glaznu izstuode „Latgale”

Lītovīšu muokslinīka Jona Pleckeviča glaznu izstuode „Latgale”

Jonass PleckeviciusNu 2. maja leidz 2. juņam Preiļu viesturis i lītišķuos muokslys muzejā Preiļu nūvoda kulturys noma izstuožu zalā (Raiņa bulvarī 28) byus apsaverama lītovīšu muokslinīka Jona Pleckeviča gleznu izstuode „Latgale”. Izstuode ir muzeja veļtejums Latvejis Republikys Naatkareibys atjaunuošonys dīnai.

Izstuodē byus apsaverami 18 muokslys dorbi nu autora privatkolekcejis i vairuoki dorbi nu Preiļu viesturis i lītišķuos muokslys muzeja kruojuma, kas gleznuoti storptautiskūs pleneru laikā vairuokuos Latgolys vītuos – Preiļūs, Rēzeknē, Rībeņūs, Kruoslovā i cytur.

Jons Pleckevičs ir aktivs pleneru organizators i dalinīks. Regulari pīsadolūt Latgolys muokslinīku aktivitatēs, ir īmontuojs nav viņ draugus i dūmubīdrus, bet ari latgalīšu cīnu par mīlesteibu, ar kaidu runoj par Latgolu sovuos gleznuos i rokstūs.

Gleznuotuojs dzims 1948. godā Švenčoņūs (Švenčionys) Lītovā, itūšaļt dzeivoj Utenā. Absolviejs Viļnis Vaļsts muokslys instituta Gleznīceibys fakultati. 1976. godā izveiduojs Utenys Muokslys školu i ir tuos direktors. Koordiniejs Utenys Muokslys školys – bejušuos zyrgu posta stacejis – restauracejis dorbus. Pietejs senejuo zyrgu posta ceļa Sanktpīterburga–Varšava viesturi i sagatavejs 3 gruomotys par itū temu.

Jona Pleckeviča dorbi atsarūn privatkolekcejuos i muzejūs daudzuos vaļstīs, tūstorp Preiļu viesturis i lītišķuos muokslys muzejā kai muokslinīka duovynuojumi.

Izstuodis atkluošona i tikšonuos ar autoru nūtiks 2013. goda 2. majā 15 stuņdēs.

 

Karteņa: rezekne.lv
Ziņu sagataveja: LaKuGa

Kalenders

May
16
Pīk
16:00 13. Storptautyskuo keramikys muo... @ Rotko muzejs
13. Storptautyskuo keramikys muo... @ Rotko muzejs
May 16 @ 16:00 – 17:30
13. Storptautyskajā keramikys muokslys simpozejā pīsadola pīcpadsmit muokslinīku nu septeņu vaļstu: Viktorija Maroti (Viktória Maróti, Ungareja), Brita Dīrnesa (Brit Dyrnes) i Eivinns Solli (Eyvind Solli, Norvegeja), Teodora Cirakoglu (Theodora Tsirakoglou, Grīkeja), Narankhū Sukhburens (Narankhuu Sukhburen,[...]
May
17
Sai
all-day Anatolija Zelča izstuode “61. ki... @ Latgolys Kulturviesturis muzejs
Anatolija Zelča izstuode “61. ki... @ Latgolys Kulturviesturis muzejs
May 17 all-day
Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs”[...]
all-day Izstuode “Paātrinājums” @ Jaunbyuvis biblioteka
Izstuode “Paātrinājums” @ Jaunbyuvis biblioteka
May 17 all-day
Izstuodei izalaseitys sešys izcylys personeibys; kotra nu tūs puorstuov kaidu nu sešu Latvejis kulturviesturiskūs nūvodu, apzynuotai izcalta gruomatnīku darbeiba uorpus golvyspiļsātys. Gruomatnīku geografiskuos darbeibys vītys īzeimātys stilizātā Latvejis kartis konturā: Pīreiga, Puordaugova (Vilis Altbergs), Latgola[...]