30. aprelī Daugovpilī kopejneicā „Sāta” tyka atkluotys „Latgolys Studentu centra” biroja telpys, kas puļcēja Latgolys jaunīšus, LgSC draugus i atbaļsteituojus. Itūšaļt birojs ir atvārts vysim interesentim kotru dīnu nu 10:00 leidz 18:00, kai ari cytūs laikūs, kod nūtiks pasuokumi ci tematiskī vokori.

LgSC birojs atsarūn muojeiguos telpuos, blokus latgalīšu kopejneicai „Sāta” Vīneibys ūļneicā 17 (pretim Daugavpils teatrim). Taidā veidā, vīnam ūtru papyldynojūt, ir izveiduota latgaliska vīta pošā Daugovpiļs centrā, kur var nūbaudeit tradicionalūs latgalīšu iedīņus i izzynuot nūdereigu informaceju par Latgolu, nūpierkt suvenirus, latgalīšu gruomotys i muzykys diskus.

Karteņa: LgSC arhivs
Ziņu sagataveja: LaKuGa