Ari itūgod Viļānu pusē nūtiks “Tievanānu pavasars”

Ari itūgod Viļānu pusē nūtiks “Tievanānu pavasars”

Tievanani jaunisimSpolvys meistars navar tapt, četruos betona sīnuos īslāgts! Taišni deļtam “Latgolys Studentu centrs” aicinoj vysus jaunūs Rēzeknis i Viļānu nūvoda latgaliski raksteit grybātuojus iz naformaluom apvyuceibom lauku sātā literatu školā – „Tievanānu pavasars 2013” Jaunviļānūs nu 6. leidz 9. juņam. 

Lobs driebnīks navar izšyut suknis, napataustejs auduma, lobs skaiteituojs – nasajuts ūtra cylvāka i tikkū pļautys zuolis smuorda. Ka tevi navar nūbīdēt lauku sātys romantika, tod mes skaidri zinim, ka tu vari byut vīns nu myusu i četruos breineiguos dīnuos nūsleipēt sovu raksteit prasmi i stilu, sasavuiceit jaunu knifu, sasatikt i vuiceitīs nu eistynim meistarim: augstškolu docātuojim i Latgolā atzeitim i ļūbeitim latgalīšu raksteituojim.

Placu pi placa, zeimuli pi zeimuļa, izzynuosi par tū, kai niu izaver latgalīšu literatura, kur jū meklēt i kai dūt dzeiveibu. I kas pats lobuokais – taišni Tievanānūs tev byus īspieja sastapt interesantus ļauds, ar kurim kūpā vuiceitīs, daleitīs pīredzē i pylnveiduot sevi.

Rodūšajuos darbneicuos tiks maklāta īdvasme kai pļovā, pyunē i mežā, tai ļaudīs. Vysuos sajiutuos variesi daleitīs Tievanānu pavasara dzejis skaitejumu vokorā, iz kuru byus aicynuoti latgalīšu literati i vysi nūvoda klauseitīs grybātuoji. Nu tevis gaidom rodūšu goru, vuiceitīs gribiešonu i jaunus tekstus.

Pasuocīns „Jaunūs literatu škola „Tievanānu pavasars 2013” teikt eistynuots ar  Rēzeknis nūvoda dūmes i Viļānu nūvoda dūmes finansialu atspaidu.

Dasacejuma anketu var lejupluodēt ite i tei juosyuta iz lgsc@lgsc.lv leidz 1. juņam, apvuiceibu aprokstu – ite, bet paradu var redzēt i lejupluodēt ite.

Vaira dazynuošonys:
Renārs Kancāns T.: 25152774 (LMT), 22143390 (Bite), e-posts: renars10101@inbox.lv

Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]