Latgalīšu sleja žurnalā „Ir” par maja dzīduojumim

Latgalīšu sleja žurnalā „Ir” par maja dzīduojumim

Reizi mienesī žurnalā „Ir” teik publicāta latgalīšu sleja, kas viestej par aktualim nūtykumim i vaicuojumim. Maja sleju ir sarakstejuse bibliotekare Anna Vizbule nu Preiļu nūvoda, jei stuosta par sovu bierneibys pīredzi, leidza lelajim maja vokorūs ejūt dzīduotu pi sābru sātys krysta.

Krucifikss_Breivdobys.muzejsSlejis autori ir dažaidi Latgolys ļauds — kotru reizi cyts autors, cyta aktualitate, cyts stuosts. Autori teik aicynuoti eisā rokstā izsaceit sovu redziejumu par latgaliskū pasauli i latgaliskuo vītu pasaulī, pastuosteit par sovu pīredzi voi izsaceit sovu redziejumu par aktualim vaicuojumim i nūtykumim.

Anna Vizbule stuosta par krystim i dzīduošonu pi jūs, par maja dzīduojumu tradiceju Latgolā, kas gon ir dzeiva i šudiņ, tok laika gaitā izamainejuse. Jei aproksta sovu pīredzi, kod kai bārns guoja leidza lelajim i pīsadaleja značku viļkšonā, ciparu saukšonā i pīdzeivuoja ari tradicionaluos kulturys izneikšonu Latgolā.

Kod vysi dīnys dorbi beja apdareiti, apsejom boltus skustus, pajēmem rožoncys i guojom dzīduotu pi krysta. Babeņai beja malnūs vuokūs īšyutys gruomotys, es varieju pajimt kaidu nu jūs. Dzīduoja puorsvorā sīvītis, reizem ari veirīši. Es beju vīneigais bārns lelūs vydā.

Ir.logoDzīduojumi nūtyka vysu maja mienesi – kod leja leits, vysi sasaspīde mozajā krucifiksa nameņā voi saguoja kliets prīškā. Koč dorbs kolhozā beja gryuts, cylvāki vysleidza atroda laiku. Dzīduoja daudzbaļseigai, vuordus i melodejis vairums zynuoja nu golvys.

Annys Vyzbulis rokstu skaiti ituos nedelis (16.05.-22.05.2013.) žurnalā “Ir” voi ari škārsteiklā ite.

Dziduotuojis_Breivdobys.muzejs

Izmontuotys Edeitis Husaris fotografejis nu maja dzīduojumu, kas 2010. goda 2. majā Nūvodu dīnys laikā nūtyka Latvejis Breivdobys muzejā i kur pīsadaleja bīdreibu “Trešō zvaigzne” i “Latgolys Studentu centrs” dzīduotuojis. Centrā muzeja krucifikss, calts 1887.godā Kapeņu pogosta Gutu cīmā.

Print Friendly, PDF & Email

Komentari

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]