Latgalīšim jauna kina – „Vīna vosora deļ vysu”

Latgalīšim jauna kina – „Vīna vosora deļ vysu”

Sastdtiņ, 18. majā Rēzeknē Latgolys viestnīceibā „Gors” 17:00 sovu pyrmizruodi pīdzeivuos jaunuokuo latgalīšu kina „Vīna vosora deļ vysu”.

Vina vosora del vysu 2013 majsKina „Vīna vosora deļ vysu” ir myusu dīnu drama, kas stuosta par vīnkuoršu latgalīšu saimi, taidu pošu kai daudzejis niu Latgolā i Latvejā. Kinys varūņus skuoruse itam laikam tik īrostuo i tik suopeiguo problema – izceļuošona iz uorzemem, aizīšona nu dzymtuos sātys i saimis. Nazkod tyvu cylvāku dzeivis vaira nikod naīs pa vacam, atškierteibys laikā kotram ir izaveiduojuse sova pīredze i dzymušys sovys vajadzeibys i sovys nuokūtnis cereibys. Kinys centrā ir palicieju i aizbraucieju sasatikšona Latgolys sātā, tei ir atškireigu pīredžu i vajadzeibu sasadūršona. Kotram ir sova dzeive i sovs redzīņs iz lītom, tok, kab varātu sadzeivuot, ir juopījem cytu cylvāku izvēlis i tys par reizis nimoz nav tik vīglai i izdorams. Kotram sova dzeive, tik vosora deļ vysu vīna – laiks, kod raudzeit sasatikt i naizaškiert iz myužu.

Kinys režisors ir Edgars Blinovs (Latgolys entuziastu grupa BIĻDIS), vaira zynoms kai kinys „Latgolys laikadečs” (2011) režisors. Kinys filmiešona nūtyka aizvadeitajā vosorā Rēzeknis nūvoda Ūzūlainis pogosta Pauliņūs, Ruņču sātā, īsaistūt golvonū lūmu atveiduošonā gon Latgolā jau zynomus cylvākus, gon atkluojūt pavysam jaunus talantus. Kinā golvonuos lūmys atveidoj Daila Ekimāne, Diāna Bernāne, Ilmārs Dreļs, Andrejs Rudzinskis, Santa Seržante i daudzi cyti.

Ziņu sagataveja: LaKuGa

EU_flag_yia_LV

Print Friendly, PDF & Email

Komentari

Nūtikšonu kalendars

Mar
31
Pīk
10:00 Akceja “Satiec savu meistaru”
Akceja “Satiec savu meistaru”
Mar 31 @ 10:00 – Apr 2 @ 18:00
Nu 31. marta da 2. apreļa sevkuram interesantam ir vareiba apmeklēt vaira nakai 250 vysaiduoka veida omotu meistarus i īsasaisteit praktiskuos nūdarbeibuos, meistarklasēs i lekcejuos. Akcejis “Satiec savu meistaru” mierkis ir radeit interesi, izpratni i[...]
Apr
1
Sai
all-day Tematiska izstuode “Zirgi mūža g... @ Latgolys Kulturviesturis muzejs
Tematiska izstuode “Zirgi mūža g... @ Latgolys Kulturviesturis muzejs
Apr 1 all-day
Jau nu seneju laiku zyrgs ir bejs vīns nu uztycamuokūs cylvāka draugu i paleigu –  kai apstruodojūt zemi, tai ceļojūt voi īmūt karā. Na vīna viņ tautysdzīsme apdzīd cylvāka i zyrga draudzeibu i cīšū saikni.[...]
16:00 Jūku vokors @ Kuorsovys kulturviesturis centrs "Līču mājas"
Jūku vokors @ Kuorsovys kulturviesturis centrs "Līču mājas"
Apr 1 @ 16:00 – 17:30
Jūku vokors @ Kuorsovys kulturviesturis centrs "Līču mājas"