25. majā Latgolys viestnīceibys „Gors” mozajā zalā 16 stuņdēs pyrmizruodi pīdzeivuos režisoris Ilzis Kungys-Melngailis dokumentaluo kina „Brāļi Varslavāni”

Jūs pādys arviņ vēļ ir jiutomys vacuos Rēzeknis leikumuotajuos īleņuos ar zamajom vīnstuova muojeņom ar lūgu apmaļu kūkgrīzumim. Pi stoltuo sorkonuo ceglu dīvanoma līvenim Latgolys īlā vai viņ ruodīs, ka paveid stolts, elegants i sviežnai gierbtais muokslinīka stuovs ar naiztryukstūšu franču bereti golvā. Ontonu Varslavānu gorā var sastapt Bruoļu Skrindu ūļneicys kolnā pi Rēzeknis kulturys noma, kur ari niu dorbojās Rēzeknis Tautys teatris. Jūs īguļdejums Latgolys i vysys Latvejis kulturā ir nanūviertejams, bet dzeivis guojums ir laikmata pretrunu i peripeteju plūseits. Nu fotografejom jī verās zīmeļnīciski šmukai i inteligentai, stoltai i veiriškeigai, dendeji i diekaini, kuri patyka sīvītem i kuri mīļuoja sīvītis.

Ziņu sagataveja: LaKuGa