Austrumlatvejis rodušūs pakolpuojumu centrs „Zeimuļs” aicynoj bārnus vacumā nu 8 leidz 13 godim pīdzeivuot skaistys šaļtenis vosorys nūmetnē „Zeimuļa zemē”, kas nūtiks nu 1. leidz 19. juļam.

Nūmetnē bārni tiks pīsaisteiti gon vidis problemu apzynuošonā i rysynuošonā, gon jimūs tiks raiseita interese izpietis dorbam i muokslinīciskajim rysynuojumim. Breivajūs breižūs tiks spālātys izzynūšys kaitys, pīsadaleits rodūšajuos darbneicuos. Taipat bārnim tiks nūdrūšynuotys turisma i sporta aktivitatis, ekskursejis.

Sevkurs bārns byus drūšeibā, paieds, atsapyuts, īsavuicejs jaunys prasmis i zynuošonys, kai ari sasadraudzejs ar jaunim draugim.

Nūmetnis daleibys moksa ir 55 Ls, kurā ītylpst 3 iedīņreizis dīnā kopejneicā „Rositten”, vajadzeigī vuiceibu materiali, ekskursejis. Nūmetnis vadeis Dzintra Gribuste. Daleibu var pīteikt pa tel. 28357891.

Karteņa: LaKuGys arhivs
Ziņu sagataveja: LaKuGa