Dreizumā izīs Laurys Bicānis debejis albums „Es tikai ļaujūs”. Laura pīduovoj nūsaklauseit singlu nu jaunuo albuma. Dzīsme „Caurspeideigi mes” stuosta par attīceibom – par patīsumu i atkluoteibu cylvāku storpā. Laura par dzīsmi soka: „Cylvāka dzeivi veidoj kontakti. Vyss, kū doram, ir vārsts iz apkuortejim, iz sabīdreibu, lai myusus sadzierdātu. Izdzīdūt vuordus „caurspeideigi mes” es grybu uzsvērt cylvāku vīnleidzeibu vajadzeibā kontaktātīs vīnam ar ūtru”.

Informaceja par tūpūšuo albuma prezentaceju i tyvuokajim koncertim atrūnama socialajūs teiklūs.
Īrokstā pīsadalejuši: Laura Bicāne (ģitāra, bolss), Romāns Sladzis (ģitāra), Valdis Rundzāns (bass), Aleksandrs Tamans (bungys). Dzīsmu miksieja Nick Dawes.

Karteņa: Laurys personiskais arhivs