Ludzu pīskandynuos Lelais Latgaļu tiergs

Ludzu pīskandynuos Lelais Latgaļu tiergs

Pošu Ludzys vacpiļsātys centru – piļskolnu 22. junī nu 12 stuņžu pīskandynuos Lelais Latgaļu tiergs. Tierga pīktū jubileju jautrā i muojeigā atmosferā svieteit saīs kūpā Latgolys i puorejuos Latvejis amatnīki, saiminīki, dzīduotuoji i doncuotuoji. Organizatori sūla interesantu programmu gon pīaugušajim, gon bārnim.

Piļskolnā dorbuosīs senejūs orūdu darbneica, dabys škola, varēs apsavērt ar rūkom taiseitys lītys, dzierdēt skaneigys dzīsmis, redzēt latgaļu karaveira muokslu demonstriejumus, paraudzeit gordus iedīņus. Ar sovim darynuojumim byus īsarodušs ari gosti nu Boltkrīvejis – voilaku vielieji, solmu izstruoduojumu meistari, kai ari gosti nu Lītovys.

Vokorā ap 20 stuņdem nūtiks piļs ījimšona i piec tam sekuos leiguošona ar zaļumbalu, pusnaktī tiks īzeimāti vosorys saulgrīži ar senejim guņs ritualim.

Karteņa: lat.gorod.lv
Ziņu sagataveja: LaKuGa piec pasuokuma organizatoru materialim

Print Friendly, PDF & Email

Nūtikšonu kalendars