Īrūtoj ar dzīsmem

Īrūtoj ar dzīsmem

Vosorys skaistuokais laiks ir kluot, kod pļovys ir pylnys puču i dzeiveibys, kod saule ir sasnīguse augstuokū punktu, kod gribīs dzīduot i skrīt preteimā vosorai.
Kab Juoņa dīna byutu pylni latgalisku dzīšmu, LaKuGa skaiteituoju viereibai pīduovoj dažys dzīsmis. Lai radzātu dzīšmu notys, mīdz iz biļdis.

 

RŪTOJ SAULE
rutoj saule1. Rūtoj saule, rūtoj mēness, rūtuo, rūtuo,
Rūtoj vysa vasareņa, rūtuo, rūtuo.
2. Kas pyrmaisi īleigava
Munu rudzu teirumeņu?
3. Pyrmī goni, pīguļnīki,
Ūtrī sātas saiminīki.

KŪŠI, KŪŠI, JAUKI, JAUKI
kusi kusi jauki jauki1. Kūši, kūši, jauki, jauki, leigū, leigū,
Kad atnuoce Juoņa dīna, leigū, leigū!
2. Dzīd putneni, leigoj meitys,
Mežu goli gavilēja.
3. Saule bryda mygluojūsi
Juoņa dīnys vokorāi.
4. Kur, dīveni, lelu guni,
Syldi vysu pasauleiti!
5. Juoņa dīna svāta dīna
Aiz vysomi dīneņomi:
6. Juoņa dīnu dīva dālys
Saulis meitu zadynuoja.

JUONEITS MUNAS GŪVIS GONA
juoneits munas guves gona1. Juoneits munas, Juoneits munas gūvis gona,
Gūvis gona, es Juoneiša kumeleiti, kumeleiti.
2. Juoņa muote sīru sēja
Devenimi styureišimi.
3. Sīru, sīru, Juoņa muote,
Tev ir gūvis laidorāi!
4. Juoneišami sīva zuda
Juoņa dīnas vokorāi;
5. Petra dīnā atsaroda –
Duobulāi gulējuse.
6. Juoņa dīnys vokorāi
Dzenit gūvis pīguļāi!
7. Juoņa nakti zalta rosa,
Tī aiteņas mozguojāsi.

AI JUONEITI, ZĪDAINEITI
ai juoneiti zidaineiti1. Ai Juoneiti, zīdaineiti,
Šūgad ogras zemeneits.
2. Moksuos vīna skuoba ūga
Dyvu dīnu struoduojum.
3. Pagaidīti, kuorumlaižas,
Lai nuok ūgys soldumā!
4. Es tev lyudzu, daiļa meita,
Pin ūzula vainadzeņ!
5. Peitin peitu, nav ūzulu
Muna tāva sēteņā;
6. Vysus zaļūs ūzuleņus
Juoņa bārni izlauzuš´.
7. Kas leiguoja Juoņa nakti,
Leiguos vysu vasareņ;
8. Kas gulēja Juoņa nakti,
Gulēs vysu vasareņ.
9. Niu ar Dīvu, lobi ļaudis,
Leidz citimi Juoneišim!
10. Ja Laimeņa paleidzēsi,
Otkon kūpā leiguosim.

IZEJ, IZEJ, GASPAŽEŅA
izej izej gaspazena1. Izej, izej, gaspažeņa, rūtuo, rūtuo,
Aizsīņ boltu prīkšauteņu, rūtuo, rūtuo!
2. Iznes svīsta ližeiceņu,
I sīreņa gabaļeņu!
3. Kai nadūsi sīra, svīsta,
Kvīšus, pļovas izvuoļuosim.
4. Īt Juoneitsi pa kalneņu,
Zuoļu nosta mugorāi.
5. Aizej, Juoneit, tu pi manis,
Baroj munu raibaleiti!
6. Es tev dūšu sīra kaņci
Par raibalis baruošonu.

PUIŠI GAIDA JUOŅU NAKTI
puisi gaida juonu nakti1. Puiši gaida Juoņu nakti,
Meitas vīni nagaidej:
Rūžu duorzi naravāti,
Ar ņuotrēmi aizauguš`.
2. Šyun mums kurpis, kurpnīceņi,
Osajimi purnenim,
Lai varami leiguodami
Vardes durti purveņā.
3. Džimi kurpes osim purnim,
Tie mums loba nadarej –
Juoņu bārni ļeiguodami
Pī calmīmi pīspraudās.
4. Juoneišami bolta mute,
Kas tū boltu balynuoj?
Juoņa muote balynuoja
Juoņa dīnys vokorā.
5. Juoņa sīvai šauri brunči,
Reigā šyuti, brudīrāt,
Navarēja sūļus sperti,
Ni par šauru gruovi lekt.

RŪTOJ BITE, RŪTOJ SAULE
rutoj bite rutoj saule1. Rūtoj bite, rūtoj saule, rūtuo, rūtuo,
Pa lelui teirumeņu, rūtuo, rūtuo!
2. Bite zīdu laseidama,
Saule sīnu kaļteidama.
3. Es māmenis mīli lyudžu,
Kab kristeitu Juoņa vuordu;
4. Ka atguoja Juoņa dīna,
Vysi maņi daudzynuoja.
5. Sit, Juoneiti, vara bungu
Vuortu stobu dybynāi,
6. Lai līk tova saimineica
Sīru, svīstu talerkāi.
7. Paļdīs devu māmeņai,
Ka kristēja Juoņa vuordu;
8. Juoņa dīnas vokorāi
Vysi Juoni daudzynuoja.
9. Juoneits sovu leigaveni
Duobulenī pazaudēja;
10. Atsasauci tu, Mareit,
Koč pļavenis beregāi!

Karteņa: LaKuGys arhivs
Ziņu sagataveja: LaKuGa

Print Friendly, PDF & Email

Nūtikšonu kalendars

Jul
3
Svā
vysu dīnu Izstuode “Līvāni=Stikls” @ Daugovpiļs muola muokslys centrs
Izstuode “Līvāni=Stikls” @ Daugovpiļs muola muokslys centrs
Jul 3 vysu dīnu
Daugovpiļs piļsātys svātku dīnā, 3. junī 14.00 stuņdēs Daugovpiļs muola muokslys centrā nūtiks Leivuona stykla i amatnīceibys centra izstuodis “Līvāni = stikls” atkluošona. Izstuodē apsaverami Leivuona stykla i amatnīceibys centra stykla pyutieju Aleksandra Logvina i[...]