Nailgi piec Juoņu teik svieteita Pīterdīna, ar kuru saistuos ari vairuoki ticiejumi, pīmāram, Pīterdīnā nadreikst sīnu ni pyunē buozt, ni kaudzē mest; ka tū dora, tod dreiži viņ pārkiuņs īspers. Taipat nadreikst seipulu škeit, tod tī nūveiss. Ka itymā dīnā lej leits, tod taids laiks byus leidz Annys dīnai.

Redzēt tū, kaidys ir Pīterdīnys tradicejis, kai ari jamuos pīsadaleit varēs 29. junī Vuorkovys nūvodā, Pilišķu piļskolnā. Vysi interesenti ir gaideiti nu 20 stuņdem iz Pīterdīnys ļustem kūpā ar folklorys kūpu „Dzeipurs” i cytim pošdarbeibys kolektivim, byus padūmuots ari par muzykalū nūformiejumu. Leidza juojam draugi, rodi, lobs gorastuovūklis i koč kas vārdarprīkam, partū ka īcarāts ļustēt leidz reitam.

Ziņu sagataveja: LaKuGa piec pasuokuma organizatoru materialim