Rēzeknis nūvoda Feimaņu pogosta JDK „Vīmyns” pīsadola AS „Cēsu alus” reikuotajā projektu konkursā i ceinejās par īspieju pīsadaleit storptautiskā folklorys festivalā Italejā. Atbaļsteit „vīmynīšus” var, nūbolsojūt par jūs projektu cesupremija.lv, tū var dareit kotru dīnu, izmontojūt sovu socialūs teiklu pasi (draugiem.lv, facebook.com, twitter.com), bolsuošona nūtiks leidz 22. juļam.

JDK „Vīmyns” dorbojās aktivi jaunīši, kuri ar sovu doncuot prīcu ir paruodejušs lobus rezultatus skatēs, pīsadalejušs festivalūs Latvejā i koncertiejušs Čehejā. Lai atteisteiba kolektivā nūtyktu ari turpmuok kolektivam ir gribiešona i variešona pīsadaleit storptautiskā folklorys festivālā Italejā.

Projekta mierkis ir puorstuovēt Latveju i Latgolu storptautiskā folklorys festivālā Italejā, pasaulī nasūt Rēzeknis nūvoda Feimaņu vuordu, i dūt īspieju „Vīmyna” doncuotuojim paplašynuot zynuošonys par tuoļuokom vītom i cytu kulturu aspektim.

Vaira par konkursu skaiti ite.

Karteņa: JDK „Vīmyns” arhivs
Ziņu sagataveja: LaKuGa piec informacejis nu cesupremija.lv