Itymā sastdīnē, 13. julī, 19 stuņdēs Leivuonā Ubogleiča dīnu gaitā sovu pyrmizruodi pīdzeivuos myzykala breivdobys teatra izruode „Jei bučuos mani”. Darbeiba izruodē nūteik storpkaru periodā, ruodūt diveju tureigu latvīšu saiminīku saimu ikdīnu. Tiks apspālāta ari tam laikam aktuala problema – precinīku mekliešona, monta daleišona i vacuoku vara puor sovim piecnuociejim.

Izruodis veiduotuoji gryb īpazeistynuot apmaklātuojus ar kuozu sviniešonys tradicejom pyrmskara Latvejā, humoristiskā gaisūtnē tiks atspūguļuotys gon kasdīnys, gon gūdu tradicejis, īsaistūt gon dzīsmis, gon dančus.

Izruodē pīsadaleis vairuoki Leivuona pošdarbeibys kolektivi, Rūžupis amatirteatris, Leivuona amatirteatris, Vuorkovys amatirteatris, kai ari breivpruoteigī, tymā skaitā Ubogleiča īdzeivuotuoji.

Izruodis „Jei bučuos mani” režisors ir Oskars Bierzeņš, bet scenareja autore – Armanda Vilcāne.

Ziņu sagataveja: LaKuGa piec pasuokuma organizatoru informacejis