Itūgod Vileks, senejais nūsaukums Marienhauzena, svieteis 720. jubileju. Svātki tiks svieteiti vairuokys dīnys – nu 30. juļa leidz 4. augustam – ar dažaida veida nūtikšonom.

Svātku laikā tiks atkluotys gon izstuodis, gon atvārta gruomota, nūturāti pīminis breiži, byus īspieja pīsadaleit konkursūs i tiks nūskaidruoti īprīšk izsludynuotū konkursu uzvarātuoji, tiks spālāts teatris i byus īspieja satikt gostus nu paguotnis. Ir padūmuots ari par sportiskom aktivitatem – 2. augustā byus mokšoruošonys saceņseibys i cytys sportiskys aktivitatis. Svātku kulminaceja byus sastdīnē ar svātku nūslāgumu piļsātys estradē. Nūslāguma koncertā „Atkal, atkal, ir debesis pušu” pīsadaleis vysim labi zynomi muokslinīki: „Eolika”, „Dāmu pops”, Antra Stafecka, Raimonda Vazdika, Aldis Siliņš, Ievu Akurātere, Olga Rajecka, tautys deju ansambļa „Līgo” bārnu studeja Juoņa Purviņa vadeibā. Leidz reita gaismai zaļumbalā varēs ļustēt kūpā ar grupu „Kantoris 04”, bet pušnaktīs gaidoms svātku saluts.

Taipat Vileks īdzeivuotuojus i gostus gaida vēļ daudz cytu puorsteigumu i pateikamu breižu.

Ar pylnu svātku pasuokumu programu var īpasazeit zamuok, lai lejupluodātu – spīd iz attāla.

Ziņu sagataveja: LaKuGa piec pasuokuma organizatoru informacejis